ياسمين عز: لو انتي أغنى من جوزك اديله فلوس.. فرعونا المصري مفيش زيه في العالم

كشفت الإعلامية ياسمين عز كعادتها عن جملة من النصائح الذهبية التي توجهها للزوجة لكيفية التعامل مع الرجل المصري، وذلك خلال فقرتها الأولى من برنامج “كلام الناس”، المذاع على قناة mbc مصر.

تحيا مصر يرصد في ذلك التقرير نصائح ياسمين عز للسيدات 

ياسمين عز: لو انت يتشتغلي سيبي وظيفتك على باب البيت

قالت ياسمين عز: أي ست متجوزة راجل محترم لو انتي بتشتغلي برة مديرة بتسيبي وظيفتك برة باب البيت وتدخلي البيت زوجة، انتي مش أعلى من جوزك حبيبك وهو والبيت ملهوش دعوة.. لو انت من عيلة غنية وهو من عيلة متوسطة اوعي تتنقعري عليه، دي موضة دي مسمعمناش بيها من أيام جدتنا، خدتيه من الأول ليه.

واختتمت: فروعنا المصري مفيش زيه في العالم، انتي في مجتمع الراجل طلع واتربى مفيش ست تدفع وأنا قاعد.

المطبخي.. نوع جديد من الغزل تطلقه ياسمين عز

وتحدثت ياسمين عز عن الغزل المطبخي، فقالت: فيه دراسة اتعملت في كندا عن حاجة صحية في الجسم المرأة اذا تناولت معلقة عسل يوميا كفيلة انها تبعدك عن الطبيب مابالك انت جنبك برطمان العسل.. مصدر النحل عند ربنا خلقلنا الزوج والسكن والمودة والرحمة.

وتابعت: أما تغازلي جوزك ابتكري بنصحك بالغزل المطبخي زي انك تعمليله كيكة برتقان ولوبيناولك كوباية الشاي ويسألك عن السكر قوليله كفاية ان انت لمستها بايديك يحبيبي.. بلاش تعملي لجوزك التقليعات الجديدة بلاش كيكة العجل جوزك بيحب كيكة القرص.

واختتمت ياسمين عز حديثها: جوزك اديله نفسك ودهبك وفلوسك ولبسك.. انتو كيان واحد مفيهاش حاجة لو انتي أغنى منه فتديله.

ياسمين عز: اتفادي جوزك قبل الماتش ومتطلبيش منه حاجة

ووجهت ياسمين عز نصائح للتعامل مع الزوج قبل مباراة الأهلى والزمالك، فقالت: حاولي تتفادي جوزك وبلاش تصدريله مشاكلك وتطلبي طلبات ملهاش لازمة اليومين دول، بلاش تفتكري انك معندكيش صلصة في التلاجة أو عين البوتجاز مش لازم تطلعي مشاكل للراجل اللي قاعد معاكي، ولو جوزك سرحان هيمان باصص للسقف او وشه في الأرض وبتكلميه وهو مش بيرد أو مش سامعك عديهاله هو كويس ومعندوش مشاكل هو بس عنده عرض طارئ اسمه القامة فوبيا غالبا بيفكر إن لو فريقه اتغلب هيهرب يروح فين من سخرية صحابه منه ع الفيسبوك او الشغل.