من زوجة مثالية لفتاة ليل.. مأساة زوج: مراتي بتسهر مع الرجالة عشان تجيبلي العلاج

جالي صورها وهي في حضن راجل.. كلمات صعبة ومؤثرة تحدث بها زوج داخل محكمة الأسرة لـ تحيا مصر عن زوجته التي إستقبل صور خاصة بها وهي في أحضان رجل آخر في إحدي الملاهي الليلية وحين واجهها بالأمر أدعت أنها فعلت ذلك الأمر الشنيع لكي تجني المال الذي سيساعدها في شراء الأدوية باهظة الثمن الخاصة بزوجها.

بينسي أنه عمل معايا علاقة ..مأساة زوجة: جوزي بيصحي الصبح عنده زهايمر

مأساة زوجة: دخلت علي جوزي لقيته بيتفرج علي صور بنتي وبيعمل تصرفات مش كويسة

جالي القلب ومبقيتش قادر أًصرف علي بيتي 

بدأ الزوج حديثه لتحيا مصر قائلا: «أنا ومراتي متجوزين من 7 سنين وعندنا ولدين تؤام، ومراتي طول سنين جوازنا كانت زي الملايكة وشها سمح ومطيعة وعمرها ما زعلتني في حاجة لحد ما تعبت وجالي القلب من سنتين، وساعتها قصرت في حق كل حاجة حتي حقها هي وحق ولادي وحق شغلي خصوصا أني مبقيتش أٌقدر أعمل مجهود زي زمان وهي فضلت جنبي وبتخدمني وكانت بتستلف من أهلها عشان تكفي إحتياجات البيت وإحتياجات ولادنا».

كنت فاكرها بتخرج تشتغل لحد ما جالي صورها 

وتابع الزوج: «لما الظروف بينا بدأت تصعب مراتي قالتلي أنها هتسيبلي الولاد بليل وهتنزل تشتغل بياعة في محل ملابس عشان تساعدني في المصاريف وأنا وافقت عشان فعلا كنت محتاج وقوفها جنبي بالرغم من أني كنت بشوف حاجات كتير في تصرفاتها مش فاهمها، زي أنها كانت بترجع البيت متأخر جدا ومكنتش بترد علي تليفونها علي طول ده غير أنها كانت بتهتم بنفسها وبشكلها جدا الفترة دي، بس أنا مكنتش بشكك فيها بسبب ان علاقتي بيها كانت مبنية علي ثقة كبيرة وعشان بيننا عشرة متسمحليش إني افهمها غلط مهما عملت لحد ما عدى 3 شهور، ولقيت بعدها واحد من صحابي اللي أعرف عنه أنه بيخون مراته كل يوم مع واحدة شكل باعتلي صورها في ملهي ليلي وهي بلبس عريان وقاعدة في حضن راجل».

لما واجهتها قالتلي أنا عملت كدة عشانك 

وأختتم الزوج : "أول ما شوفت الصور دي كانت الساعة 3 الفجر وكانت هي نايمة جنبي صحيتها من النوم وأنا جوايا غضب كان ممكن يخليني اقتلها في أيدي، وهي من خوفها مني فضلت تبكي محستش بنفسي غير وأنا بضربها بشكل قاسي جدا عشان أخليها تنطق وتقولي أزاي عملت كدة، وقالتلي وقتها - أنا عملت ده عشانك عشان مفيش شغل كان هيوفرلي الفلوس اللي أجيب بيها علاجك واصرف علي ولادنا وعلي البيت - روحت مع واحدة صاحبتي شغالة في الحاجات دي وهي اللي كانت بتعرفني علي الأماكن وعلي الزباين اللي ممكن أسهر معاهم وأطلع منهم بقرشين كويسين، رميت عليها يمين الطلاق في لحظتها وطردتها من بيتي وجيت المحكمة عشان أقدم الإثبتات اللي معايا وصورها والفيديوهات عشان أسقط عنها الحضانة وولادي يتربوا في حضني، بعيداً عن أمهم اللي اتحججت بمرضي عشان تبيع شرفها ".