ياسمين عز: موظف البنك ثباته الانفعالي أكتر مني وعامل بادكير مجاني وأمك دعيالك لو اتجوزتي محامي

عادت الإعلامية ياسمين عز لـ تتحدث مرة أخرى عن أصحاب المهن المختلفة ومميزاتهم من بينهم موظفي البنوك والمحاميين، مشيدة بهم وبأناقتهم وذكائهم.

تحيا مصر يرصد في ذلك التقرير تصريحات ياسمين عز عن موظفي البنوك والمحاميين

ياسمين عز: اللي متجوزة موظف بنك دايما بتتحسد عليه لأنه بيكون على الفرازة

وقالت ياسمين عز خلال برنامجها كلام الناس المذاع على قناة mbc مصر: قاعدة اللي متجوزة موظف بنك دايما بتتحسد عليه بيكونوا على الفرازة كل يوم وهو نازل شغله هتحسي انك متجوزة موديل بيشف ويرف وريحة البرفان بتاعته جايبة أخر الشارع، وليكي حق تغيري عليه من أناقته ولابقته، وضوافره معمولة بادكير رباني.

وتابعت: مش أي حد بيشتغل في بنك بسهولة بيتعملهم بدل الانترفيو 10 انتي ضامنة انك متجوزة واحد يعرف يتعامل مع الضغوط وثباته الانفعالي أكتر من ياسمين عز، مابالك مراته لما تطلب منه في البيت حاجة ياسعدك يا هناكي ده غير انه ممكن يكون عارف انتي عايزة اي من قبل ما يقول غير انه بيكون أمين عليكي وعمره ما يطمع في اللي في ايدك أبدا بيكون تحت ايده ملايين ودولارت مستحيل يرد عليكي هو انتي شيفاني شغال في بنك لأنه فعلا شغال في بنك أهم ميزة في وجهة نظره مستحيل يمسك الموبايل عشان مش عايز حد يكلمه.

ياسمين عز: متقوليلوش هات كيلو لبن قوليله 500 جرام من اللبن

وأضافت: أما بتكلميه تقوليله ممكن أطلب منك طلب قولي يا حبيبتي بيديكي الموافقة، متتعامليش مع موظف البنك الا بالأرقام مفيش حاجة اسمها هات كيلو لبن وانت جاي ده تلوث رياضي وسمعي .. قوليله هات 500 جرام من اللبن وعدد بطة واحدة ولو اتجوز مدرسة عربي هو حياته كلها أرقام وهي حياتها كلها حروف حياتهم هتبقى فوق وفيه تناغم عايز كوباية شاي في الخمسناتي وتكسرها عشان قبلها جر وتقولها عايزة أكل نصف بطتي بالبرتقالي بالتشكيل عشان بتحاسبنا على كل كلمة بنقولها.

ياسمين عز تشيد بالمحامين

وأشادت ياسمين عز بالمحامين، فقالت: متجوزة راجل فريد هيبة ومالي مركزه غير غنه ذوقه عالي في اختيار بدلته يبقى هيكون ذوقه عالي في اختيار زوجته، مش بينسى أي حاجة وذاكرته قوية ولو طلبتي منه طلب مش بينساه وباله مش هيرتاح إلا أما يعمله، راجل معتمد عليه ومتحمل المسؤولية ومحدش يقدر يضحك عليكي في وجوده ولو وقعتي في أي مشكلة هيخرجك منها زي الشعرة من العجينة ومحدش يقدر يظلمك ولا يجي عليكي.

وتابعت: الزوج أما يكون محامي بيكون مكس مختلف قوي بس حنين، مغامر وجريء بس بيخاف ربنا وعادل بيعرف يوفق بين بيته وشغله، بيدخل معارك انتي متعرفيش عنها شيء وبيكسبها وبيجي البيت مبتسم وعمره ما يكون بخيل وفي أوقات كتير بيصرف على القضية من فلوسه الشخصية مابالك انتي في البيت.