عنبر: جوزي وقف الشارع عشان واحد ضايقني.. وبكيت بسبب غيرة النجمات مني

فجرت الفنانة عنبر مجموعة تصريحات جريئة خلال حلولها ضيفة على برنامج “كلام الناس”، الذي تقدمه الإعلامية ياسمين عز على شاشة قناة mbc مصر.

تحيا مصر يرصد في ذلك التقرير تصريحات الفنانة عنبر في برنامج كلام الناس

عنبر: جوزي بيغير عليا ومرة وقف الشارع كل عشان واحد ضايقني

تحدثت عنبر عن غيرة زوجها عليها، فقالت: كنا في مشوار بعربية وحد ضايقني أو عاكسني وقف العربية بالعرض ووقف الطريق هو مش بيقبل حد يضايقني، الغيرة بتاعته أوقات بتعملي مشاكل كل حاجة معتدلة بتبقى حلوة أما بتزيد بتسبب مشاكل، أنا في مهنة صعبة وكلها مرتبطة بعلاقتك بالأخرين والتواجد بينهم، بس بيجي وقت والغيرة دي ممكن توقف.

عنبر: أنا وجوزي حبينا بعض واتجوزنا في شهرين

وتطرقت بحديثها عن قصة زواجها للمرة الثالثة، فقالت: زوجي كان زميل وصديق في المهنة وكان فيه بينا تواصل بسيط، مكنتش عايزة أتجوز كنت عايزة أعيش حرة، وأما قابلته في انتخابات النقابة اتجوزنا خلال شهرين ومع بعض لحد دلوقتي وهو حد محترم وابن ناس وبيحبني جدا.

وأضافت: لازم أحب عشان أتجوز معرفش أتعامل مع شخص ملهوش قبول عندي وحياتي سيباها على ربنا ولو حصل انفصال إي حد بيدخل حياتي ليه كل الاحترام والتقدير والزوج الحالي بالنسبالي كل حاجة.

عنبر تتحدث عن غيرة النجمات منها

وروت عنبر عن غيرة بعض النجمات منها في بداياتها الفنية، فقالت: في بداية تاريخي كان مشهد بيني وبينها على طرابيزة سفرة هي ليها كاميرتها وأنا كاميرتي، وقاعدة بصلها قالتي متبصيش كدة بصي الناحية التانية، وأما جه وقت التصوير عملت كدة وبعدها عيطت كتير أوي لأنها المفروض تدعمني وتوجهني وبعدها اشتكيت للمخرج شريف يحيى طلب منها تعتذرلي.

وتابعت: على المدى حصلي مواقف مع نجمات تانية زي انهم عايزيني أغير لبسي أكتر من مرة وأما حسيت فيه حاجة غلط قولتلهم ده لبسي لو مش عجبكم شوفوا واحدة تانية قالولي زي الفل وحاجات من القبيل ده كتير، أنا لو أصغر منك قدرا المفروض تسعديني

وإختتمت: أما اشتغلت مع الرجال بيدعموكي ويتبسطوا بيكي وبيرشحوني وفيه نجمات بردو وقفوا جنبي ودعموني جدا زي يسرا وإلهام شاهين