عايزة أرجع تاني.. عنبر لـ المنتجين: في قيمة وقامة قاعدين في البيت لحد امتى هيفضل الوضع كدة!

أعربت الفنانة عنبر عن حزنها واستيائها بقلة عملها في الوسط الفني مناشدة المنتجين والمسؤولين في وضع حل لتلك المشكلة التي تسببت في جلوس قيمة وقامة في منازلهم.

تحيا مصر يرصد في ذلك التقرير تصريحات الفنانة عنبر عن قلة العمل 

عنبر: بقالي 20 سنة في المهنة ووحشني الفن وعايزة أرجع تاني

قالت عنبر خلال برنامج “كلام الناس”، المذاع على قناة mbc مصر، وتقدمه الإعلامية ياسمين عز: بحكم التاريخ الطويل بقالي 20 سنة في المهنة وعلاقتي بالجميع كويسة وبكلمهم وعلى تواصل بناس كتير وبكلم المخرجين الجداد ومش بتكسف وبعرفهم بنفسي وده عشان وحشني الفن وعايزة أرجع تاني ورد فعلهم لطيف جدا وكلهم بيردو بمنتهى الشياكة واللطف والاحترام، ويمكن ده إيرادة ربنا إني أكون قاعدة في البيت.

وتابعت: أنا دايما بلاقي الطبطبة من أصدقائي وناس بيحبوني، وأتمنى في المستقبل أعمل حاجة موازية للفن عشان محتاجش لحد.

عنبر لـ المنتجين: من لا يَرحم لا يُرحم

وجهت عنبر رسالة للمنتجين والقائمين في الأعمال الفنية: من لا يَرحم لا يُرحم.. في زملائي من جيلي قيمة وقامة وتاريخ مشرف وقاعدين في معاناه، إلى أين وإلى متى هيفضل الوضع كدة احنا عايشين في مجتمع فيه غلاء على الكل وأزمات فحتى لو معاكي هيخلص.. لكل القائمين والمنتجين راعوا الناس اللي قاعدة اللي تعبت عشان تزرع اسمها.

عنبر: عمري ما هقدم تنازلات في سبيل النجومية والشهرة

ونفت عنير تقديمها تنازلات من أجل الشهرة والنجومية، فقالت: تعرضت لضغوط في بداية المهنة زي أي فنانة بتدخل الوسط واتعاملت معاها بشكل عنيف لأني طالما فنانة وعندي موهبة خلاص أنا بحترم نفسي وأهلي وكل الناس اللي بتحبني والزوج لو في حياتي فعمري ما هعمل ده في سبيل النجومية والشهرة.

يذكر، أن بداية عنبر الفنية كانت في يوم 1994 من خلال مشاركتها في مسلسل “سر الأرض”، بعدها قدمت عدد من الأعمال الفنية المختلفة منها مسلسل حكايات مجنونة، وفيلم صمت الخرفان، توالت بعدها أعمالها مابين السينما والمسرح والتلفزيون، والتي من أبرزها “أنا وهؤلاء، السندريلا، حاحا وتفاحة”، لتكن أخر أعمالها مسلسل “عفاريت عدلي علام” إلى جانب الزعيم عادل إمام.