طول عمري بلبس مايوه وشورت وممكن أسامح الراجل الخاين لو كان نزوة.. أبرز تصريحات رانيا يوسف

حلت الفنانة رانيا يوسف ضيف على برنامج “كلام الناس”، الذي تقدمه الإعلامية ياسمين عز على قناة mbc مصر، والتي صرحت خلاله تصريحات جريئة ومثيرة للجدل، ويرصدها تحيا مصر في ذلك التقرير.

أبرز تصريحات رانيا يوسف في كلام الناس

•  ممكن أسامح الراجل في النزوات اللي بدون مشاعر لو فيه بيت وأطفال ورصيد من الحب.
• بنتي فوقتني في أول جوازة ليا وقالت لي  بقالك كتير مش بتضحكي.
• طول عمري بلبس مايو وشورت.. وأنا مبتغيرش عشان أراضي حد.
• بحب ميسي كـ زوج وراجل وفيه بينا أصدقاء مشتركين.
• أنا بفضل ضل الحيطة عن ضل الراجل.
• مش بلبس ماركات ومجاليش شبكة بملايين في جوازاتي التلاتة.
• أنا أقل واحدة عندها ألماظ وعشان بهتم بلبسي أقل حاجة بتبيني حلوة.
• معرفش ليه الناس بيقولوا أني جريئة، وبناتي بيدعموني وبيقولي اعملي اللي انتي عايزاه.
• أي حاجة وحشة بحاول أنساها، وشايفة ديما إن الشخص ميقصدش وبلتمسله العذر.
• أنا وغادة عبد الرازق على المستوى الانساني إحنا كويسين ومتفاهمين مع بعض وأهدافنا واحدة، وهي أصلها طيب.
• مهرجان القاهرة كان فيه فساتين قصيرة وعريانة.
• الراجل بيخاف من إنك تكوني أنجح منه ومحبوبة عنه،  عايز يحس إنك محتاجاله مادية.
• مبفوتش البصة اللي بتوجع وممكن أقلب الطرابيزة فوق دماغه ولو حصلت.

أخر أعمال رانيا يوسف

من ناحية أخرى، تعد أخر أعمال الفنانة رانيا يوسف مشاركتها في مسلسل “الأنسة فرح”، الموسم الثالث، والتي شاركت بها إلى جانب كلا من النجوم أسماء أبو زيد، أحمد مجدي، مريم الخشت، محمد كيلاني، هبة عبدالعزيز، وتأليف: محمود عزت، وإخراج بسنت الشافعي، ويتحدث المسلسل حول إستعداد فرح، لزواجها من شادي، ولكن سرعان ما تواجه سلسلة من المفاجآت تجبرها على التأقلم مع واقعها الجديد، وعرض من العمل ما يقرب من 5 اجزاء مكملة كل منهما للآخر.

كما عرض لها أيضا مسلسل المماليك بجانب كلا من النجوم رامي وحيد وبيومي فؤاد، محمد لطفي، وعائشة عثمان ومحمد سليمان وفيدرا ودوللي شاهين وعمر حسن يوسف، والعمل من تأليف هشام هلال، وإخراج حازم فودة، وحقق العمل نجاحات ساحقة خلال فترة عرضه قبل الموسم الرمضاني هذا العام.