بعد اتهامه بسرقة اغنية رقصة.. عمرو مصطفى يعتذر لرامي صبري: كنت بهزر معاه وبحب استفزه

اعتذر الفنان عمرو مصطفى للفنان رامي صبري، وذلك بعد اتهامه بسرقة اغنيته رقصة، وذلك عبر حسابه بموقع التواصل الاجتماعي فيسبوك.

تحيا مصر يرصد لكم اعتذار عمرو مصطفى لـ رامي صبري

وكتب عمرو مصطفى: اعزائي الصحفيين  رامي صبري اول واحد باركلي هنا علي الصفحه  علي الالبوم الجديد يمكن هو الفنان الوحيد بحبه جداا كفنان وانسان وبحب جدا (استفزه ) لانه صديق جدع وعامل البوم جامد كمان.

وأضاف:  بس هو تأثر بالاغنيه  رقصه وعادي حبيت بس اقولها (بهزار ) بس عيب الصحافه تكتب سرق في الاول والاخر ده زميل وصديق وعشره عمر وعادي تتوارد الافكار بتحصل بس دي اخر مره يا رامي حبيبي والله.

عمرو مصطفى يتهم فنان بسرقة أغنيته

وكان قد اتهم الفنان عمرو مصطفى نجمًا مجهولًا بسرقة لحن أغنيته التي تحمل اسم رقصة، وكتب عبر حسابه الرسمي بموقع التواصل الاجتماعي فيسبوك: لما تسمع أغنية رقصة وتلاقي زميل سرقها، وبطىء الدخول، وكتب عليه كلام، وكمان تدخل تريند وكتب وألحانه.

أغنية رقصة

وكانت اغنية رقصة لـ عمرو مصطفى قد حققت نجاحً كبيرًا وذلك بعد طرحها بموقع الفيديوهات الشهير يوتيوب.

كلمات الأغنية

في قلبي ولا يوم كنت بعيد
متداري بيني وبيني
تتحب من أول وجديد
لو بس أغمض عيني
لا بينا عتاب ولا عليك لوم
مكانش غياب ده كانوا كم يوم
فراق مين ده اللي ما بينا يدوم
هات إيدك هنا في رقصة وانسى أي خوف في عينيك
ده مكانك هنا في قلبي، قلبي ثاني نور بيك
هات إيدك هنا في رقصة وانسى أي خوف في عينيك
ده مكانك هنا في قلبي، قلبي ثاني نور بيك
لا نسيتني وإنت في بعدي هناك
ولا عشت يوم من غيري
فضلت فين ما تروح وياك
ومفيش في قلبك غيري
ما فاتش يومين وما قدرناش
تفوتنا سنين وما نعيشهاش
وراح أهو غيابنا كأنه مجاش
هات إيدك هنا في رقصة وانسى أي خوف في عينيك
ده مكانك هنا في قلبي، قلبي ثاني نور بيك
هات إيدك هنا في رقصة وانسى أي خوف في عينيك
ده مكانك هنا في قلبي، قلبي ثاني نور بيك
وراح أهو غيابنا كأنه مجاش
هات إيدك هنا في رقصة وانسى أي خوف في عينيك
ده مكانك هنا في قلبي، قلبي ثاني نور بيك
هات إيدك هنا في رقصة وانسى أي خوف في عينيك
ده مكانك هنا في قلبي، قلبي ثاني نور بيك