إيمي طلعت زكريا في ذكرى رحيل والدها: بحب أشوف أعماله وأسمع صوته لأنه واحشني

أكدت إيمي طلعت زكريا على متابعتها الجيدة لأعمال والدها بعد رحيله نظرًا لاشتياقها له، وذلك خلال تصريحات تليفزيونية بمناسبة ذكرى وفاته الثالثة.

تحيا مصر يرصد تصريحات إيمي طلعت زكريا عن والدها. 

تصريحات إيمي طلعت زكريا عن والدها

وقالت إيمي طلعت زكريا': بشوف التفاصيل وأركز فيها جدا وأعرف ليه كان بيعمل كده في كل مشهد، وخاصة تفاصيل صوته وحركاته، وفيه أبناء فنانين كتير مش بيقدروا يشوفوا والدهم أو والدتهم بعد رحيلهم لكن أنا بحب أشوفه وحتى لو في التلفزيون لازم أتفرج على العمل كامل، وبحب أسمع صوته دايما لأنه واحشني.

حرصت الفنانة الشابة إيمي طلعت زكريا على الذهاب للمقابر، وإحياء ذكرياتها مع والدها، مع قراءة القرآن والدعاء له.

ونشرت إيمي فيديو من المقابر عبر خاصية ستوري بانستجرام، وعلقت: في الجنة يا رب يا حبيبي.

وكانت قد كشفت إيمي طلعت زكريا عن طبيعة شخصيتها في مسرحية كازينو بديعة والتي تقوم ببطولتها الفنانة سمية الخشاب، ويتم التحضير لها خلال الفترة المقبلة.

إيمي في حوارها مع تحيا مصر 

وقالت إيمي في تصريح لموقع  تحيا مصر: شخصيتي في مسرحية كازينو بديعة هتكو مذيعة جوا الكازينو مع الفنان طارق الأبياري، وبيحصل مفارقات كوميدية جوا الدور والمذيعة دي خفيفة وكوميدية وبيحصل أحداث كتير هتعجب الناس.

وتابعت: أحنا لسه حاليًا في البروفات ومش قادرين نحدد معاد عرضها بالظبط  لسه بس أعتقد هتكون في شهر ديسمبر الجاري.

وعن مشاركتها في السباق الرمضاني الموسم المقبل كشفت أنها لم تتعاقد إلى الآن عن مسلسل في رمضان وتنشغل خلال الفترة الحالية بمسلسل عودة البارون ومسرحية كازينو بديعة.

إيمي طلعت زكريا وشبيه والدها

وكانت إيمي طلعت زكريا قد علقت على الصور المنتشرة لشبيه والدها الفنان طلعت زكريا وقالت في تصريح خاص لموقع تحيا مصر: الصور اتبعتتلي من ناس كتير والراجل مش بيتكلم في حاجة وحشه ومش بيتكلم غير في الكورة وهو مش طالع عشان يقلدوا أو يقول حاجة وحشه العكش هو قدره أنه شبه الفنان طلعت زكريا واتبسطت جدًا لأن الناس رجعت تفتكر الفنان طلعت زكريا واترحمت عليه وبابا دايمًا كان بيطلب أنه لما يموت الناس تترحم عليه، واللي حصل حاجة كويسة ومش وحشة خالص.

إيمي مشتاقة لوالدها

كما عبرت إيمي عن اشتياقها الشديد لوالدها الفنان طلعت زكريا وكشفت عن أكثر شئ تفتقده بعد رحيله وقالت: مفتقدة الأب زي اي بنت  بتحتاج لابوها في كل حاجة وفي كل تفاصيل حياتها، وبابا كان قريب مني جدًا وكان صاحبي أكتر من أنه أبويا  ومفتقدة ضحكه وهزاره وكل حاجة كانت معاه، ولو هقوله حاجة هقول أنه واحشني جدًا لكن أنت أكيد في مكان أحسن بكتير.