إيناس الدغيدي: السينما لازم تكون أفكارها أجرأ من الدراما.. وأنتجت لنفسي بسبب خوف المنتجين من المحظور

تحدثت المخرجة إيناس الدغيدي عما يميز كل مخرج سينمائي، والسبب وراء اتجاهها للإنتاج، وذلك خلال لقاءها اليوم ببرنامج "أسرار النجوم" مع المذيعة إنجي علي على محطة راديو نجوم إف إم.

تحيا مصر يرصد تفاصيل تصريحات إيناس الدغيدي في أسرار النجوم

حيث قالت إيناس الدغيدي: "مسيرة أي مخرج بتتعرف بعد فترة من الزمن وبيتم تقييمه، ودلوقتي أعتقد تم الاعتراف بيا كمخرجة ليا فكر معين ويمكن تتقبليه أو ترفضيه، والمخرج المتميز لما تشوفي فيلمه تقولي فيلم المخرج الفلاني، والمخرج غير المتميز اللي بيهتم بشكل العمل بس مش كتير يعرفوه".

أهم ما يميز المخرج من وجهة نظر إيناس الدغيدي

وتابعت: "والمخرج الراحل يوسف شاهين دائما كان يقول لنا إن المخرج دايما لازم يكون ليه فكر واتجاه، أعتقد أنا شخصيا ليا اتجاه والناس عرفوه من الجرأة في أفلامي، واللي أقصده مش المشاهد ولكن الجرأة جاية مع طرح فكر الفيلم والأمر بيخض الناس".

السبب وراء اتجاه إيناس الدغيدي للإنتاج السينمائي

وفي الحلقة ذاتها، كشفت إيناس الدغيدي عن السبب الذي جعلها تتجه إلى إنتاج أعمالها الفنية، حيث قالت: “السينما عشان تعملي فيلم حاليا لازم تكوني مختلفة، لأن الدراما قتلت كل الموضوعات بصراحة واتكلمت في كل حاجة، السينما لازم يكون ليها خصوصية والأفكار فيها أجرأ”.

وتابعت: "والمنتجين للأسف بيقولولي أنتي بتدخلي في الممنوع والمحظور ومعادش فيه منتجين عندهم الجرأة والشجاعة، وأنا أنتجت 8 أفلام من أعمالي بسبب النقطة دي لشعوري أن المنتجين مش هيرحبوا بأفكاري، وقدمتهم كمنتج منفذ وأبيع العمل للقنوات".

مهاجمة إيناس الدغيدي

وعن الطريقة التي تتبعها إيناس الدغيدي عندما تتعرض أفلامها للهجوم، قالت: "بعد شوية أفلام عملتها تم مهاجمتي ورديت ولكن ولقيت أني الخسرانة، وقررت معملش دا مرة تانية، أنا عمري ما كان عندي لوبي صحفي وكل الفنانين بيكون وراهم صحفيين بيدعموهم، ولكن أنا مش من النوع دا، ودايما العلاقات الشخصية ليها دور كبير تتحكم في زي الموضوعات دي، وأنا دايما أشتغل وأعمالي هي اللي بتتكلم عني".

تصريحات إيناس الدغيدي في برنامج “كلام الناس”

وفي وقت سابق، حلت الاعلامية ايناس الدغيدي ضيفة على برنامج “كلام الناس”، الذي تقدمه الاعلامية ياسمين عز على قناة mbc مصر، والتي فجرت به عدد من التصريحات الجريئة والمثيرة للجدل، ومنها:

- مش يتصنع الجرئة ولا تصريح يعمل قلق أنا شخصيتي كدة.

- في ناس مشاكلهم مش بتفرق معايا اوي، وملهاش معنى

- عشق عالم الرجال عن عالم الستات وعقلي كله مع الرجالة