عمرو وهبة عن منشور رونالدو: كان هزار واتفاجئت بالهجوم اللي حصل

خرج الفنان عمرو وهبة ليوضح سبب منشوره الاخير عن لاعب كرة القدم البرازيلي كريستيانو رونالدو، الذي عرضه لهجوم مريع على مواقع التواصل الاجتماعي بسبب سخرية الفنانة منه.

تحيا مصر يرصد في ذلك التقرير تصريحات عمرو وهبة مع ايمان الحصري

وقال عمرو وهبة خلال مداخلة هاتفية لبرنامج مساء dmc، المذاع على قناة dmc وتقدمه الإعلامية ايمان الحصري: 
وبوست كريستاينو رونالدو انتشر، وهو مجرد هزار ودايما بعمل كده وفي ناس زعلوا لأني بتكلم عن كريستاينو رونالدو، واتفاجئت أن عنده متابعين كتير جدا في مصر وهاجموني.

وتابع حديثه: في ناس بتهاجم من أجل الهجوم وفي ناس بتهاجم من أجل الاختلاف ومفيش حاجة الناس بتتفق عليها، وأنا مش بزعل من أي هجوم لأن الناس دي بشوفها في الشارع وبنسلم على بعض ولما بقدم عمل بيباركوا لي وكأن مفيش زعل حصل.

عمرو وهبة: الناس بقت عنيفة على السوشيال ميديا

وأضاف عمرو وهبة موضحا رأيه في منصات التواصل الاجتماعي: الناس بقت عنيفة على السوشيال ميديا وعلى موضوعات لا تستحق الجدال أو المشاكل، الموضوع مش مستاهل كل ده، وأنا اللي بكتب على صفحتي بنفسي اللي بيجي في دماغي ومش عندي أدمن أو مسؤول عن الصفحة، ومتابع جيد لكرة القدم.

عمرو وهبة: اتمنى المغرب توصل للنهائي

واختتم عمرو وهبة حديثه، معربا عن تمنيه بوصول المغرب للنهائي، فقال: كنت أتمنى مشاركة مصر في كأس العالم ونشجعها، ومبسوط وسعيد بفوز منتخب المغرب على البرتغال وكلنا فخورين بهم لأنهم عرب وأفارقة وحققوا نجاح وأتمنى وصولهم للنهائي والحصول على البطولة.

منشور عمرو وهبة المثير للجدل

جدير بالذكر، أنه شارك عمرو وهبة صورة لـ جورجينا زوجة كريستيانو رونالدو عبر حسابه الرسمي بموقع التواصل الإجتماعي “فيسبوك”، وعلق عليها وكأنه يتحدث على لسان جورجينا: هتبوظولى نفسيه الولد ..اندهولى خلاص هقدمله سباحة، وبعد دقائق من نشر المنشور قابل الجمهور  عمرو وهبة بهجوم مريع.

فكتب له أحد متابعيه: بجد دا اخر كومنت هكتبه بعيدا عن المحتوى التافه و البوست السخيف اللى ناس عارفاه ان اى فنان يبقى عاوز يراضي جمهوره و يهمه زعلاهم و يهمه ان شكله يكون فى صورة كويسة قدامهم اى بقا اللى فهم حضرتك ان خفة الدم و الاستهزاء بالجمهور و لما تلاقيه زعل تقوله اتفلق و فى داهية اخرجوا من الصفحة ان دا صح و تفرض رايك على الناس ولا يبقوا مش مهمين بجد درست ايه فهمك ان كدا روشنة ربنا يعينك على نفسك و على الناس اللى بتباعك و مستمرين رغم كل السخافة دى انا بجد لو من الفانز نخرج كلنا مرة واحدة و نسيب الصفحة اللطيفة للفانز اللى عجبوا السخافات دي احترم جمهورك نصيحة علشان الجمهور يحترمك.