سوسن بدر: قضيت ثانوي في عرض الأزياء.. ورجاء الجداوي كانت نموذج

كشفت الفنانة سوسن بدر عن بداياتها في المجال الفني، والذي كان بسبب عروض الأزياء، خلال حوارها ببرنامج معكم مع الإعلامية منى الشاذلي عبر شاشة قناة سي بي سي.

تحيا مصر يرصد لكم تصريحات سوسن بدر في معكم منى الشاذلي 

سوسن بدر وعرض الأزياء

وقالت سوسن بدر: قضيت 2 و3 ثانوي في عروض الأزياء، وعلاقتي بدأت مع رجاء الجداوي من لما كانت أشهر وأجمل عارضة، وكانت نموذج.

وتابعت: مدربتناش ازاي نمشي؟ دربتنا ازاي نقعد ونتكلم، عشان العارضة دي ست لازم يبقى ليها شكل، واتعملت منها حاجات مديونة ليها لحد دلوقتي، كنت بدي الفلوس لوالدتي.

سوسن بدر وتفاصيل تحضيرها لأعمالها الفنية

وتحدثت سوسن بدر في الحلقة ذاتها عن تفاصيل تحضيرها لأعمالها الفنية: ببقى خايفة مع كل دور بيجيلي وكل اول يوم تصوير بيبقى رعب، ولما بيتعرضلي شغل مبعرفش اتفرج ولحد دلوقتي، وببقى خايفة الناس تشوفني، بحب اشتري بقالتي وحاجتي وبعتبر ان اللي هيتقال بنسبة اكبر يبقى هو ده الحقيقي.

وتابعت: اما لوافق على شغل بيبقى مهمة مقدسة وببذل فيه مجهود حتى لو كان بطولة، انشالله لو جملة أو مشهد، اتعلمت من استاذ نور ومحمود ياسين وعادل إمام.

سوسن بدر والمسرحيات في مسيرتها الفنية 

وحينما سألتها منى الشاذلي عن تفاصيل مسرحياتها، قالت: ليا مسرحيات مبتتعرضش مع إنها حاجات مهمة، واتصورت في مسرحيات، واعتقد انها موجودة في المركز القومي للمسرح، وعملت مسرحية الطيب الشرير مع الدكتور يحيى الفخراني.

وأضافت عن مشاركتها في مسرحية الواد سيد الشغال: انا اللي بدأتها، وهو الدور اللي عملته بعد كده مشيرة وساعتها جالي حصوة في الكلى وكان لازم ارجع القاهرة لظرف طبي طارق، وجت مشيرة أنقذت الموقف، واتصورت بيها وعملته لذيذ أوي.

الحلقة الأخيرة من أبو العروسة 3

من الجدير بالذكر، أن شملت الحلقة الأخيرة من مسلسل ابو العروسة 3 عدد من الأحداث المفرحة التي كانت حسن الختام للجزء 3 من مسلسل أبو العروسة، ومن بينها توضح الحلقة الأخيرة من مسلسل ابو العروسة 3 زواج مريم وأكرم ورجوع عبير لجابر.

وكانت أبرزها من مصالحة طارق الذي يقدم دوره الفنان محمود حجازي، على زوجته في مسلسل أبو العروسة زينة، والتي تجسدها الفنانة ولاء الشريف، بعد أشتعال الخلاف بينهما في هذا الجزء، ووصوله حد الإنفصال في الحلقات القليلة الماضية، وقام طارق بالإعتذار أمام جميع الحضور في فيديو تم عرضه على شاشة كبيرة خلال حفل زفاف اكرم ومريم.