سميرة صدقي: أقل فيلم مقاولات أنا عملته أعلى من الموجودين دلوقتي

تحدثت الفنانة سميرة صدقي عن تاريخها الفني وعن سبب اتهامها بأنه نجمة أفلام مقاولات ومعربة عن شدة غضبها من هذا المصطلح.

تحيا مصر يرصد في ذلك التقرير تصريحات سميرة صدقي عن أفلام المقاولات

سميرة صدقي: اسمي كان بيتقال الأول في اي فيلم وبعد كدة يجتمعوا عليه

قالت سميرة صبري خلال برنامج “قعدة ستات”، المذاع على قناة القاهرة اليوم وتقدمه الإعلامية مروة صبري: “جاتلي فترة اسم سميرة صدقي بيتحط في فيلم وبيتباع بيه، اول اسم بيتقال كان سميرة صدقي وبعد كدة بيتجمعوا عليه، بعد كدة اتهموني باني بطلة افلام مقاولات مع ان اي فيلم انا قدمته”.

وتابعت: “كلمة مقاولات متتقالش الا على حاجة واحدة ياما شروخ بطيخ يإما مباني، انما في السوط الفني بيتقال فن تكلفة بسيطة وفن تكلفة عالية والتكلفة ملهاش علاقة بالممثل وفيه مخرج يوفر ومخرج لا”.

سميرة صدقي: أقل فيلم ليا أعلى من الموجودين دلوقتي

ودافعت عن أفلامها التجارية، فقالت: “بتقدم قضية، اقل فيلم انا عملته بيحكي مشكلة وقضية الافلام اللي عملاها اعلى من الموجودين دلوقتي وفيه افلام كتير ملهاش مواضيع، دا غير افلام السينما زي افلام السقا وغيرهم بيكون مصروف عليها ومخدومة”.

وكانت قد أشادت سميرة صدقي بـ محمد صبحي، فقالت: محمد صبحي اللي كله بيعمله مليون حساب وانه نرجسي وديكتاتوري والكلام ده، طلع أبسط من البساطة وعملنا مع بعض فيلم كنا قريبين من بعض جدا، ومشتغلتش مع حد مكنش كويس وأنا أدوب الحجر ميتقلقش عليا، ولو خدت جنب من حد مش هفتكرهم.

أخر أعمال سميرة صدقي

جدير بالذكر أنه تألق سميرة صدقي ايضا في مسلسل “اللغز”، التي تدور أحداثه في اطار من التشويق والإثارة حول مجموعة من الطالبات المغتربات يقيمون في دار تظهر بها أشياء مرعبة ليس لها اساس منطقي، هل هي من فعل الجن أم تعويذة من تدبير بنت صاحبة الدار المعقدة نفسيا، وشاركت فيه الى جانب كلا من النجوم محمد نجاتي، علاء زينهم، ندى بهجت، نورهان، وحقق العمل نجاحات ساحقة خلال فترة عرضه على شاشة التليفزيون.