نورهان قنديل تتراجع عن قرار الحجاب: بعد ما لبسته بقيت اضعف

أعلنت البلوجر نورهان قنديل تراجعها عن قرار الحجاب، وبررت موقفها لمتابعيها، وذلك عبر حسابها الرسمي بموقع تبادل الصور والفيديوهات الشهير انستجرام.

تحيا مصر يرصد لكم منشور نورهان قنديل الأخير 

نورهان قنديل تتراجع عن قرار الحجاب 

وكتبت نورهان قنديل عبر انستجرام: مش عارفة ليه كل ده حصلي.. بس انا فى ابتلاء شديد ومعنديش تفسير ولا تبرير بس انا كنت بمر بمرحلة حزن و ضعف شديدة من قبل لبسى للحجاب و قلبى و كل حاجة فية كانت بتحركنى ناحية الخطوة دى علشان ابقى اقوى لنفسى و لبناتى و شغلى و ربنا وحده بس هو اللى عالم ضميرى و نيتى.. بس النتيجة انى بقيت اضعف بكتير والخطوة دى بقت محتاجة منى قوة مش عندى.

وتابعت: انا اكيد حزينة انى مقدرتش اكمل فى حاجة بحلم بيها من سنين وبدعى ربنا كل يوم انه يختم حياتى بيها و بدعى ربنا من قلبى يحببنى فى نفسى فى الحجاب الصحيح اللى مقدرتش اعمله.

نورهان قنديل: حزينة انى بعلن ضعفى و تشوشى واضطرابى

وأضافت قنديل: حزينة اكتر انى بعلن ضعفى و تشوشى واضطرابى اللى غلبنى و سيطر عليه و مش عارفة موصلنى لفين واسفة طبعا طبعا اسفة انى دخلتكوا معايا فى متاهة قرار شخصى بس هو لانه حاجة الواحد لازم يكون فخور بانه يعلنها.. الحجاب ملهوش اى دعوة بأى توتر انا بعيشه.. بالعكس انا عارفة انى اجمل بكتير و انا لابساه

وأردفت: بس فى فرق كبير بين انى اتخلى عنه و بين انى مش عارفة البسه بالشكل اللى يخلينى قوية و واثقة و قد المسئولية او ده التفكير اللى للأسف بقى مسيطر عليه و اتخلل لقلبى.. مش هحمل الناس طبعا مسئولية حاجة
بس انا حاسة انى بمر بأزمة كبيرة و اكيد كل حاجة خير و ده يقينى بربنا.. بس اللى اتكشفلى فى الفترة البسيطة دى كان اكتر من تحملى و لأول مرة اركز فى حجم القسوة اللى فى القلوب.. مش عارفة ليه بس اظن لعنة السوشيال ميديا اصابت قلبى و بقيت حاسة انه مش قادرة على كمية الصراعات اللى بعيشها بسببها و لا مبسوطة بأنى شخصية عامة.. انا هعتبر كل اللى هيحصل من هجوم طبعا ده فى ميزان حسناتى لانى اكيد محتاجة ده.

نورهان قنديل: ربنا وحده عالم انا بعيش ايه و هو و بس اللى يهمنى

واختتمت قنديل كلامها: بس يا جماعة و ربنا وحده فقط يعلم.. انا لا و لن اسعى فى يوم لإرضاء احد.. اكيد سعيت بكل حب وقلب انى اسيب بصمة و نفع و اثر طيب لبناتى ولكل اللى بيحبنى وربنا وفقنى و اكرمنى جدا.. ربنا وحده عالم انا بعيش ايه و هو و بس اللى يهمنى.. وبعده امى و جوزى و بناتى و شغلى اللى تعبت فيه جدا على فكرة انا اجتماعيا و شخصيا فشلت كتير يمكن ده اول فشل يكون معلن بالتفاصيل لكن قولتلكم كتير انا وقعت و قمت و هفضل اعافر بس بتعلم، واظن اخدت درس يسمحلى اقول ان اى حد هيتدخل فى حياتى الشخصية او قراراتى انا هعرضه لمسائلة قانونية لأنى مش معنى انى شخصية عامة يبقى انا مستباحة، انا ام و زوجة و شخص بيصارع ضغوط الحياة كل يوم ذى اى حد، انا متقبلة الهجوم او إلغاء المتابعات بصدر رحب جدااا بس الاحترام مش اختيارعندى يقين ان ربنا هيلهمنى الصواب و مش هيسبنى و هيقوينى و يسامحنى لانه ارحم بيه من نفسى.