والدة دينا عروسة المنيب: جهاز بنتي اتفحم قبل فرحها بأسبوع وعريسها يبكي بدل الدموع دم|فيديو

مشاهد مبكية لعروسة تفحم جهازها قبل زفافها باسبوع واحد في منطقة المنيب التابعة لمحافظة الجيزة،لم يبقى من جهازها شيء حتى جدران المنزل تفحمت,أمسكت والدة العروسة بقايا جهاز ابنتها وتنهار من البكاء  بعد أن قضت ٣ سنوات لتكمل جهازها تقابل موقع تحيا مصر مع والدة دينا وحكت تفاصيل هذا  الحريق.

التفاصيل الكاملة في واقعة إشعال سائق توكتوك النيران بشقة خطيبته بالغربية|فيديو

عريس يبدأ حفل زفافه بتلاوة آيات من القرآن الكريم |فيديو

بداية الحريق 

قالت والدة دينا إنها  خرجت مع ابنتها لتشتري مستلزمات المنزل,لكن تفاجاة أن الجيران يبلغوها عن طريق الهاتف أن تأتي إلى المنزل ,وعندما عادت وجدت 3 سيارات أطفاء تحت المنزل وتفاجات بخبر وقع عليها كالصاعقة أن منزلها تفحم والجدران تأكلت وجهاز ابنتها أصبح رماد ". 

3 سنين بجهز فى بنتي 

تبكي الأم على حظ ابنتها"ملحقناش حاجة من عفش العروسة حتى الجيران معرفوش يفتحوا الباب علشان كان حديد كنت مركباه بعد ما توفى زوجي من 17 عام خوفاً على بناتها الأربعة".

وأضافت الأم "دا كان جهاز بنتي الثالثة أنا زوجت أثنين وباقي أثنين لكن قبل الفرح بأسبوع واحد عفشها أتحرق فى ساعة زمن كل حاجة فحمت بقالي 3 سنين بجهز فيها والسبب ماس كهربائي الناس فى المنطقة بتحبنا محدش ولع فيها, أنا وبناتي كدا مفيش مكان نقعد فيه بنتي أصرت إني أنزل معاها وربنا كرمني لو قعدت لوحدي فى المنزل  كان زماني ميته".

تنهار الأم بكلمات حزينة " عمري وشقاية كله كان لبيتي وعيالي مكنتش بفكر فى نفسي دلوقتي مفيش غيار ليه الجيران هما اللى جابولي بطانية أنام بيها وهدوم ألبسها بروح أقعد عند عيالي اللى متجوزين حتى بناتي مفيش لبس ليهم النار ألت كل حاجة".

العريس بيعيط 

ذكرت الأم أن حالة العروسة تعبانه والعريس غلبان لما شاف المنظر عيط قالي يأمي متزعليش اللى ربنا يقدرك عليه هاتية,كنت ممشية نفسي وكنت الدنيا معايا مسطورة لكن دلوقتي بقى حالي صعب كنت شغالة كوافير منزلي بروح للناس البيت, وكمان كنت بشغل بناتي معايه علمتهم كلهم علشان ميطلعوش جهلة".

طلبات والدة العروسة

وأضافت الأم "أنا مش واخده راحتي مينفعش أقلع وألبس عند الناس بس الحمد الله لو فى أي حاجة ينفع نعيش فيها داخل البيت هعيش.. ربنا يوقفلي ولاد الحلال علشان حاي بقى صعب".