سميحة أيوب: الست اسمها حُرمة مش حريم

تحدثت الفنانة سميحة أيوب عن كلمة حُرمة، وعبرت عن رأيها في بعض الأمور الخاصة بعادات الزواج خلال هذه الفترة، وذلك خلال حوارها ببرنامج كلام الناس مع الإعلامية ياسمين عز.

تحيا مصر يرصد لكم تصريحات سميحة أيوب عن كلمة حُرمة وعادات الزواج الجديد

سميحة أيوب: الست اسمها حُرمة

وقالت سميحة أيوب: الست اسمها حُرمة، والست مش حريم وفي بعض الستات بينادوا انها متشتغلش في بيتها وتاخد اجره، فين المودة والرحمة؟ واللي تبات برا من غير ما تقول لجوزها.

وتابعت: وهو يبقى متهاون عشان هو الضهر والسند، وكان زمان عشان هو اللي بيصرف على البيت، لكن ده ميمنعش انه السند والضهر.

واختتمت: وازاي احترم نفسي وانا بعاشر راحل اهزقه، وفي ست تعتبر ان الحب ده ضعف، ود اسمه هبل، واقتنصي انه بيحبك وخافي على الحب ده.

قصة حب سميحة أيوب ومحمود مرسي 

وتحدثت سميحة أيوب عن قصة حبها مع علاء مرسي، قائلة: قدرت اجذبه بطبيعتي، مرة بيقولي حاجة فـ رديت عليه وقالي غريبة جدًا اول مرة اشوف بنت مصرية بتقول الحقيقة، وقعدت سنة ونص قبل الجواز معجبة بيه ومبنتكلمش خالص، وحاسين ببعض.

وأردفت: وروحت ازور مرة زميل لينا مريض ولاقيته هناك ف اتبسطت جدًا من جوايا، ولما جيت امشي قالي ست سميحة ممكن تاخديني لاول تاكسي يقابلك، وركب جنبي وقالي تعرفي انا معجب جدًا بيكي روحت قولتله وانا معجبة بيك.

وأضافت: واعجابي بيك لشغلك، وشخصيتك اللي بتعمل الشغل ده واتعلمت منه كتير في الشغل، ليه نكدب ونخبي وبعدها تم الزواج.

صداقات سميحة أيوب 

وتحدثت سميحة أيوب عن علاقات الصداقة في حياتها، قائلة: علاقتي مع ام كلثوم مكنتش صداقة صداقة، كان في شئ جمييل بينا وبين بعض، كنا بنروح كل جمعة نتغدا في مطعم سمك في الهرم اسمه خريستو هي كانت بتتغدا مع جوزها وانا مع جوزي.

وتابعت أيوب: ساعتها كنت بعمل برنامج إذاعة هي كلمت جوزي في مرة قالتله انا كنت تعبانة شوية ايه اللي حصل في الحلقتين اللي قبل كده، وكنا بنحيي بعض كل جمعة وكل واحد يقعد على ترابيزته.

وأضافت سميحة أيوب: سناء جميل صداقتنا كانت حميمة جدًا، ونادية لطفي كانت يا هي عندي يا انا عندها، والبيت الوحيد اللي بيت فيه كام ليلة كانت بيت نادية لطفي، وكان في مدام أمل بكير ونعم الباز ومديحة حمدي.