تامر أمين: شغلتنا نخلي الفسيخ شربات.. وعمري ما طالبت بإلغاء الرقص

حرص الإعلامي تامر أمين الرد على تصريح الراقصة دينا عنه حين قالت أنه مصاب بالشيزوفرينيا، وذلك خلال لقائه مساء يوم الخميس ببرنامج “حبر سري” مع المذيعة أسما إبراهيم.

تحيا مصر يرصد تصريحات تامر أمين

حيث قال تامر أمين: “كل الإحترام لدينا، ودي حملة التشويه اللي حصلت عليا من فكرة ده بيهاجم الرقص، وبقول اللي بيشوفني سكران وبتطوح يصورني”.

وتابع: “لما تشوفوني في مشهد مخل أو معيب بقولكم صوروني.. مبتفرجش على الراقصات، واللي فتح الملف ده مش أنا، وانا عمري ما طالبت بإلغائه، وقولت مبحبوش عشان مبحبش حاجة فيها تعري، وأول ما الرقاصة بقت نجمة مجتمع وبتطلع في الكافيهات والمطاعم ووتحدة قدمت برنامج وبقت مذيعة، ولازم يفضلوا مكانهم”.

تامر أمين ومهنة الإعلام

وفي الحلقة ذاتها، تحدث تامر أمين عن مهنة الإعلام، حيث قال: “شغلتنا نخلي الفسيخ شربات، الصنعة بتفرق، الصنعة والتوابل اللي تخلي حاجة غير محببة للناس تكون محببة ليهم، أنا مبدأي اعمل من القبة حبة، وبطلع أقول دي بلونة كاذبة، وحمل كاذب وللاسف بتشغل ناس كتير”.

تامر أمين وحادثة الأقصر

وعن حادثة الأقر قال تامر أمين: “حادثة الأقصر 97 عرفتني وقتها ان السياحة مجال مش مأمون، لأن حادثة إرهابية قعد ناس في بيتها سنين، ومن أكتر المجالات الحساسة، وده اللي خلاني اغير المهنة”.

تامر أمين وأزمة شيرين عبد الوهاب 

وعلق الإعلامي تامر أمين على أزمة الفنانة شيرين عبد الوهاب، وذلك خلال حواره ببرنامج حبر سري الموسم الثالث. 

وقال تامر أمين: كنت طرف في أزمة معاهم، حسام حبيب له الإسهام الأكبر، وهي شريكة لأنها سمحت بده، والظاهر بالنتيجة ان شيرين كانت حاجة وبتشتغل وبتنجح، ثم تزوجت حسام حبيب وفضلت تختفي وتنحسر وليها أخطاء بس، والمتغير اللي حصل كلامها من حسام، واللي أكدلنا ده كلامها عنه.

تامر أمين عن بناته 

وتحدث تامر أمين عن خلفة البنات، ومدى تأثيرها على شخصية الرجل، قائلًا: حصل بحذافيره، عندي بنتين غيروني على المستوى الإنساني، عرفوني يعني ايه رقة الدنيا ودلع الدنيا، وعلى مستوى الرزق، وكل الخير اللي جالي كان مع قدوم البنتين.

وتابع: طول الوقت سعيد بيهم جدًا، وتربيتهم وخلفتهم ألطف عشان الولاد أشقياء، وقولت نفسي في بنت تانية لما مراتي كانت حامل.