تامر أمين: أنا رقم واحد في قناة النهار.. وعمرو أديب المنافس الأول ليا

أكد الإعلامي تامر أمين على أنه رقم 1 في قناة “النهار” وفقًا للاحصائيات، مشيرًا إلى أن منافسه الأول هو الغعلامي عمرو أديب، وذلك خلال لقائه مساء يوم الخميس ببرنامج “حبر سري”.

تحيا مصر يرصد تفاصيل تصريحات تامر أمين

حيث قال تامر أمين: “المذيع رقم 1 في قناة النهار، انا ولا محمد الباز.. انا من حيث الإحصائيات، والمنافس ليا عمرو أديب، فأنا بحترمه وبقدره وهو في الغالب متصدر التريند، هو مجتهد وموهوب وهي دي خلطة النجاح”.

بدايات تامر أمين في الإعلام

وفي الحلقة ذاتها تحدث الإعلامي تامر أمين عن بداياته في مجال الإعلام، حيث قال: “أنا 18 سنة شغال في توك شو، كل ميسر لما خلق له، لما دخلت الإعلام سنة 96 وضعت في السياسة وكنت 22 سنة، واشتغلت في السياحة الأول، ولما نجحت في الاختبار قولتله عايز يا قناة الرياضة أو المنوعات، وعرف بعد الإمتحان مش قبله، ويا أهلًا بالواسطة اللي بالشكل ده، هي تديني فرصة مش اخد حق حد”.

وتابع “أمين”: “وكتبت بإيدي قناة النيل للأخبار، وبدايتي اللي أهلتني وادتني خبرة، وبعد كده صباح الخير يا مصر، وبعد كده البيت بيتك وربنا فتح عليا وخلاني من نجوم الإعلام وقتها، والقصص الشائكة بتبقى طبع، في ناس بتحب تطبطب وتلطف، وبحب المواجهة”.

تامر أمين وحادثة الأقصر

وعن حادثة الأقر قال تامر أمين: “حادثة الأقصر 97 عرفتني وقتها ان السياحة مجال مش مأمون، لأن حادثة إرهابية قعد ناس في بيتها سنين، ومن أكتر المجالات الحساسة، وده اللي خلاني اغير المهنة”.

تامر أمين وأزمة شيرين عبد الوهاب 

وعلق الإعلامي تامر أمين على أزمة الفنانة شيرين عبد الوهاب، وذلك خلال حواره ببرنامج حبر سري الموسم الثالث. 

وقال تامر أمين: كنت طرف في أزمة معاهم، حسام حبيب له الإسهام الأكبر، وهي شريكة لأنها سمحت بده، والظاهر بالنتيجة ان شيرين كانت حاجة وبتشتغل وبتنجح، ثم تزوجت حسام حبيب وفضلت تختفي وتنحسر وليها أخطاء بس، والمتغير اللي حصل كلامها من حسام، واللي أكدلنا ده كلامها عنه.