تامر أمين: أنا مش ضد التيك توك بشكل عام.. وصحاب بناتي الولاد متنقيين على الفرازة

تحدث الإعلامي تامر أمين عن بعض الأشياء المتعلقة ببناته، مثل استخامهم للتيك توك بعد هجومه عليه، والسفر مع أصدقائهم الرجال، في لقائه بحبر سري الموسم الثالث.

تحيا مصر يرصد لكم تصريحات تامر أمين في بناته في حبر سري 

تامر أمين عن استخدام بناته تيك توك بعد هجومه عليه 

وقال تامر أمين: لا حلال لبنتي ولا حرام على الناس، انا بهاجم التيك توك عشان الحاجات الوحشة اللي فيها، وفي بعض الممارسات بتسئ استخدامه، وانا مش ضد التيك توك بشكل عام، وشكرت فيه قبل كده عشان خاصية التيك بوك، وانا انتقدت البنات اللي في منهم محبوسين بسبب التيك توك.

تامر أمين عن عدم ممانعته في سفر بناته مع أصدقائهم

وتابع تامر أمين: اصحابها اللي هما ولاد وبنات، وهتكون رقابة سابقة مش لاحقة، هي كانت في مدرسة وجامعة مختلطة، ودلوقتي بتشتغل في شركة رجالة وستات، وصحابها متنقيين على الفرازة وبنوافق على الاختيار، وهي بتقتنع وبتسمع الكلام.

تامر أمين يشيد بخلفة البنات 

وتحدث تامر أمين عن خلفة البنات، ومدى تأثيرها على شخصية الرجل، قائلًا: حصل بحذافيره، عندي بنتين غيروني على المستوى الإنساني، عرفوني يعني ايه رقة الدنيا ودلع الدنيا، وعلى مستوى الرزق، وكل الخير اللي جالي كان مع قدوم البنتين.

وتابع: طول الوقت سعيد بيهم جدًا، وتربيتهم وخلفتهم ألطف عشان الولاد أشقياء، وقولت نفسي في بنت تانية لما مراتي كانت حامل.

تصريحات تامر أمين عن نفسنة الرجال 

وعلق تامر أمين خلال الحلقة عن تصريح سابق له “الراجل المنفسن بعشر ستات”، قائلًا: كتير وكلهم ولاد كاري، اللي بيغيروا من نجاحي، والنفسنة درجة قليلة، وربنا يعافينا منهم، وبتجاهلهم، وجزء اساسي من شرهم انهم طول الوقت يلهوكي من الشغل والنجاح.

وعن إحساسه بالغيرة سابقًا، قال: طبعًا غيرت، وغيرت على النجاح وفي فرق بين الغيرة والنفسنة وبقول برافو عليك، مش بحاول اشوهه أو اوقعه.

وقال تامر أمين عن تجربته للممنوعات أخرى، مختلفة عن تصريحه “جربت الحشيش ومعجبكش”: جربت البانجو، وكانت في نفس الليلة السودا، واحد اداني السجارتين سوا.