دراما وتكنولوجيا.. حسين فهمي يكشف الفرق بين السينما القديمة والحديثة | فيديو

تحدث الفنان حسين فهمي عن الفرق بين السينما القديمة والحديثة في حوار له، ونشر جزء منه عبر انستجرام. 

تحيا مصر يرصد لكم الفرق بين السينما القديمة والحديثة من وجهة نظر حسين فهمي

حسين فهمي عن السينما القديمة: كانت بتعتمد على النص والتمثيل أكتر 

وقال حسين فهمي في مقطع الفيديو الذي نشره عبر حسابه الرسمي بانستجرام: أكبر اختلاف هو أن السينما كانت تعتمد أكثر على النص والتمثيل، بس اللي أنا شايفة دلوقتي التكنولوجيا، اللي بتتطور بشكل سريع جدًا. 

وتابع حسين فهمي: مبقاش الموضوع معتمد على احساس الفنان اللي بيوصل من خلال الشاشة، الموضوع دلوقتي بقى كله تكنولوجيا مُبهرة، بس احنا بقينا بنتفرج أكتر على اللي بيحصل أكتر من كوننا جزء من اللي بيحصل او عايشينه. 

حسين فهمي يكشف عن ميله للسينما القديمة 

وكشف حسين فهمي خلال الحوار عن ميله للسينما القديمة، قائلًا: بس ده مش اللي أنا شخصيًا بحبه، وبحب الدراما نفسها ولأفلام ممكن تغير مشاعري، تخليني اعيط واضحك، وتخليني اتبسط بالشخصية نفسها وحياتها اليومية.

حسين فهمي وشروط دخول مهرجان القاهرة السينمائي

وتحدث حسين فهمي عن شروط أزياء مهرجان القاهرة السينمائي الدولي بدورته الـ 44، فقال: "اللي هيخالف الدريس كود هيتحبس، والراجل اللي هيجي لابس شورت مش هيدخل،والرجالة زي الستات، أنا كل اللي بطلبه إن الناس تيجي لابسة شيك وميكونش لبسهم مبالغ، وبطلب من السيدات إنها تلبس اللبس اللي إحنا بنشوفه في كل المهرجانات الدولية، والرجالة بتلبس دايمًا في المهرجانات الدولية الدرجة الأولى، فيه بدلة سموكن اللي تعرفنا عليه، أنا بطلب الناس كلها تيجي لابسه ده”.

مسابقات مهرجان القاهرة السينمائي 

من ناحية أخرى، جاءت لجنة تحكيم المسابقة الدولية لمهرجان القاهرة السينمائي الدولي في دورته الـ 44 كلا من المخرجة اليابانية ناعومي كاواسي، ومديرة التصوير نانسي عبد الفتاح من مصر، والممثلة سوارا بهاسكار من الهند، والمؤلف الموسيقي المصري راجح داود، والممثلة ستيفانيا كاسيني من إيطاليا، والمخرج خواكين ديل باسو من المكسيك، والممثل سمير قواسمي من فرنسا.

ويتنافس في مسابقة الأفلام الدولية على جائزة الهرم الذهبي كلا من: “فيلم 19 ب من مصر، من إخراج أحمد عبد الله السيد، وغيرها من الأفلام.