محمد من أمام محكمة الأسرة: مراتي خلت أبني يشتمني وطلبت من أهلها يضربوني عشان سيبت الشغل

" كانت متجوزاني عشان أصرف عليها ورغم أني مكنتش حارمها من حاجة كانت بتروح تقول للناس أني مجوعها هي وعيالي " .. بتلك الكلمات روي زوج لتحيا مصر من أمام محكمة الأسرة عن زوجته التي ظهرت علي حقيقتها وظهر طبعها المادي بعد مروره بضائقة مالية أجبرته علي ترك العمل ومن هنا نشبت الخلافات بينهم حتي أنتهت بالطلاق .

نجلاء أمام محكمة الأسرة : جوزي مدمن ترامادول وبينومني في الحمام وبيضربني في مناطق حساسة بسلك الكهرباء

أيمن أمام محكمة الأسرة :مراتي قطعت شرايين أيديها عشان قولتلها ربنا ياخدك

متجوز مراتي من 15 سنة وعندي منها عيلين 

بدأ محمد حديثه لتحيا مصر :" أتعرفت علي مراتي من خلال أنها كانت صاحبة أختي وحبيتها وأتجوزتها من 15 سنة وجيبت منها ولدين وكنت أنا السنين دي كلها بشتغل ومش حارمها من حاجة وكان البيت طول الوقت مليان بالخير كله لحد شهر 9 اللي فات حصلت مشاكل في شغلي وأضطريت أسيبه ومن هنا بدأت مراتي تبان علي حقيقتها اللي كانت مخبياها سنين ".

سلطت عيالي يسرقوا كل أثباتاتي الشخصية وهربوا وسابوني  

وتابع :" أنا سيبت الشغل يومين بس لكن في الوقت ده مراتي أفتكرت أني هعيش عاطل طول عمري وده اللي خلاها تبدأ تكره العيشة معايا وتقرر تسيبني لقيتها في يوم بتلم هدومها وخدت ولد من ولادي وسابتلي التاني وأتاريها كانت سايبالي الواد الصغير عشان ياخد كل الأوراق اللي في الشقة زي شهادات الميلاد واوراق الجيش وقسيمة الجواز وملكية البيت وكانت مستنياه عند أول الشارع وبالفعل أبني سرق كل الاوراق ونزل لأمه وأخوه ومن وقتها وهما سايبني وعايشين عند بيت أهلها ".

أبني شتمني وقالي أحنا مش بنحبك واهلها ضربوني 

وأختتم محمد حديثه :" مراتي بعد ما عملت كل ده طلبت الطلاق وطلقتها وأديتلها كمان النفقة ولما قولتلها هسيب أنا بيتي وتعيشي فيه أنتي والولاد قالتلي لا تجيبلي شقة أيجار جديدة ليا لوحدي وخلي الشقة دي ليك أنت وفي مرة الولاد وحشوني وقولت أروح أشوفهم في المدرسة وأتفاجأت أن أبني أول ما شافني شتمني قدام صاحبه والمدرسين وقالي أحنا مش بنحبك وأنا عشان أربيه ضربته بالقلم وجت هي كمان كانت واقفة ولقيتها بتعلي صوتها وبتشتمني روحت ضاربها هي كمان عشان تحترمني وتتكلم معايا كويس لكن اللي حصل أني لقيت بعدها بيومين أبوها بيتصل بيا وبيقولي " تعالا يا محمد أحنا عازمينك علي الغدا " ولما روحت ضربني هو وأخوات مراتي وكسروا عضمي عشان يجيبولها حقها من القلم اللي هي خدته في المدرسة هي وأبني وأنا مبقيتش عايز حاجة من الدنيا غير أن ربنا يجيبلي حقي من الست دي اللي مشافتش مني غير كل خير ومع ذلك هعيش بسببها مكسور العمر كله " .