أخو جوزي بيدخل عليا وأنا نايمة وقلعني هدومي في الشارع.. مأساة أسماء من أمام المحكمة

" جوزي معندوش شخصية وبيشوف أخواتي بيضربوني قدامه وميجيبليش حقي منهم " بتلك الكلمات روت أسماء لتحيا مصر في بث مباشر من أمام محكمة الأسرة عن زوجه وأشقائه والخلافات التي تدور بينهم علي الميراث وراحت هي ضحيتها .

نجلاء أمام محكمة الأسرة : جوزي مدمن ترامادول وبينومني في الحمام وبيضربني في مناطق حساسة بسلك الكهرباء

أيمن أمام محكمة الأسرة :مراتي قطعت شرايين أيديها عشان قولتلها ربنا ياخدك

جوزي شخصيته ضعيفة وأخواته أقوي منه 

بدأت أسماء حديثها لتحيا مصر :" جوزي أتقدملي وأنا عندي 17 سنة ووافقنا عليه عشان كان شخص طيب ومناسب عيشت معاه 15 سنة وخلفنا 3 أولاد وبعد وفاة والد جوزي عرفنا أنه كان سايبلهم ورث محلات وأراضي وجوزي عشان أكبر واحد في أخواته هو اللي كان رسميا المفروض يقسم الورث علي أخواته الصبيان والبنات كمان ولما جه يقسم معجبهمش نصيبهم وكانوا عايزين أكتر ومن هنا بدأت كل المشاكل وبدأت أعرف طبع جوزي علي حقيقته أنه أضعف من أخواته وهما اللي كلمتهم بتمشي ".

أخو جوزي عور نفسه بالسكينة وراح أشتكاني زي الستات 

وتابعت أسماء :" أخوات جوزي البنات بيكرهوني عشان أنا أحلي منهم وأتجوزت صغيرة وهما لسة محدش راضي يتقدملهم وخصوصا أخو جوزي هو أكتر واحد فيهم بيكرهني وكان عايز يكسر عين جوزي بيا وعشان كدة كان بدأ يعمل تصرفات غريبة زي أنع يعور نفسه بالسكينة وبعدها يجري علي القسم ويقولهم دي هي اللي عورتني عشان يحبسني وأوقات تانية كان جوزي يبقي بايت في الشغل وألاقي أخوه بيخبط عليا الساعة 3 الفجر ويدخل عليا وأنا نايمة ومس عارفة أنا ذنبي أية في ده كله وأنا يادوب مراة أخوه ومليش حتي صلة قرابة بينهم ولا أذيتهم في شئ ".

أخوات جوزي سحلوني في الشارع وقلعوني هدومي وحجابي 

وأختتمت :" كل ده وأنا ساكتة ومستحملة عشان خاطر جوزي وعيالي لحد ما حصل موقف هو اللي من وقتها وأنا قررت أني أنفصل عن جوزي وأبعد عنه وعن شر أخواته كنا في يوم في البيت أنا و اولادي وكانت الساعة 11 ونص بليل وجوزي كان لسة مرجعش البيت ولقيت عيالي بصوا في الشباك وجريوا عليا وقالولي " ألحقي يا ماما بابا مات " قومت جري لبست بسرعة ونزلت أشوف في أية لقيت أخوات جوزي التلاتة ماسكين جوزي وبيضربوا علي دماغه في جسمه كله في نص الشارع ولما جيت أحوش عنهم بدأوا يضربوا فيا أنا وأخو جوزي قلعني طرحتي وكان بيشتمني بأصعب الألفاظ وقتها جوزي لما فاق والموقف عدا محاولش حتي يدافع عني ويجيبلي حقي من أخواتي عشان بيخاف منهم وده اللي خلاني أنفصل عنه لأني مقدرش أعاشر راجل ضعيف الشخصية ".