ياسمين عز: سيبي جوزك ياكل مع زميلته في الشغل ويفك عن نفسه

مازالت الإعلامية ياسمين عز تُثير الجدل بتصريحاتها عن الرجل والمرأة، وذلك خلال برنامجها كلام الناس.

تحيا مصر يرصد لكم تصريحات ياسمين عز

ياسمين عز: السكرتيرة بتكون شخصية كويسة 

وقالت ياسمين عز في برنامجها كلام الناس الذي يُعرض عبر قناة أم بي سي مصر: الراجل ومراته اللي بيشتغلوا في نفس المكان بيكون النكد الأكبر على الراجل.

وتابعت: الراجل مش بيعرف ياخد راحته في البيت وكمان في الشغل ولو سمع كلامها في الشغل صحابه هيقولوا أنه خايف منها، ولو زعقلها هيقولوا ده لما يروح هيتنكد عليه.

وأضافت: الدراما وصلت للستات أن السكرتيرة شخصية وحشه ولازم جوزك يكون بيخونك معاها، و ده مش صح دي بتكون شخصية كويسه جدًا وبتساعد جوزك في الشغل في حاجات كتير.

واستكملت: اللي مش بيعمله قدامك هيعمله من وراكي وبلاش تنكدي عليه عشان ميبقاش خايف يرجع البيت.

وتابعت: سيبي الراجل يفك عن نفسه شوية،  مفيهاش حاجة لما الراجل يقعد مع زميلته في الشغل ويأكلوا سوا سبيه يفك عن نفسه ميبقاش نكد في البيت و في الشغل.

سلوى خطاب ببرنامج كلام الناس

وكانت الفنانة سلوى خطاب حلت ضيفة على برنامج كلام الناس مع الإعلامية ياسمين عز، وتصدرت تصريحات سلوى خطاب تريند عبر مواقع التواصل الاجتماعي، خاصةً بعدما وجهت حديثها إلى ياسمين عز.

سلوى خطاب لياسمين عز: بكره تتجرجري من شعرك

ووجهت سلوى خطاب حديثها لياسمين عز وقالت: كان عندي واحدة صاحبتي لها آراء عكس آرائك كده، وليها آراء متطرفة، كنت بقولها هستنى لما تتجوزي وأشوفك وإنتي بتتجري من شعرك في الريسبشن، وفعلا اتطلقت بعد ما جوزها جابها من شعرها.

وأضافت سلوى خطاب: الزواج شركة، وكلنا بنتعب في حياتنا، الحياة محتاجة مجهود، والطرفين لازم يبذلوا مجهود.

وتابعت: الراجل مش مطلوب منه حاجة غير شغله، مش مطلوب منه إنه ياخد باله من نفسه لترد عليه ياسمين قائلة: عشان هو جميل لوحده ربنا خلقه جميل.

 وردت سلوى خطاب: كفاية رومانسية بقى، هتشوفي، بس إبقي فكريني لما تتجرجري، وعقبت ياسمين قائلة: أنا لا أقبل ده عليا أو على حد غيري.