إبراهيم عيسى عن أصحاب ولا أعز: اللي هاجم الفيلم عنده أفكار سلفية

أكد المؤلف إبراهيم عيسى أن كل مهاجمي فيلم “أصحاب ولا أعز” أفكارهم سلفية، وذلك خلال لقائه ببرنامج حبر سري مع أسما إبراهيم.

تحيا مصر يرصد لكم تصريحات إبراهيم عيسى عن الهجوم على فيلم أصحاب ولا أعز

وقال إبراهيم عيسى: مش كل الناس هاجمت الفيلم، واللي هاجمة عنده أفكار سلفية، والفيلم ده نسخة عربية لفيلم مشهور، ومعرفش استاذ اياد نصار اعتذر عن ايه بالظبط.

وتابع: منى زكي حُملت بهجوم شديد جدًا على حملة ليس وراها إلا الفكر السلفي الضيق، واستاذنا عادل إمام وخالد الصاوي عاملين فكرة الشذوذ دي قبل كده، وده مش معناه دعوة إليه أو تمجيد وتعظيم ليه.

إبراهيم عيسى عن شخصية الشيخ يحيى: كان زي الإمام محمد عبده 

وقال المؤلف: هو بمثابة ما اتمنى أن يكون عليه الشيخ الحديث، وهذا حلم أتمنى أن يتحقق، والنوعية دي كانت من 70 سنة، زي الدكتور عبد المتعال الصعيدي، والدكتور شلتوت، والإمام محمد عبده، وبعض ما قاله شخصية الشيخ يحيى دي فتاوى حرفية للإمام محمد عبده.

وأردف: لازال الفكر الإخواني والسلفي مسيطر على أفكار المصريين، والمحصلة طول مافي هذه الأفكار حتى لو فكرة قذرة لا تموت، واحنا لازم نحارب الفكرة دي، زي كل أفكار الإخوان زي الخلافة الإسلامية والحجاب فرض على المسلمة، ودي مش أفكار الأساتذة والآمة، وأنا مش بخلق أفكار جديدة، أنا بعيدها.

وأضاف إبراهيم عيسى: وأنا لا أقول كلام غريب، زي ختان الإناث، ولما جم اكتشفوا إنه في الدين وإنه جريمة، بقى صدمة لقطاع كبير، زي حق السعاية لما المرأة تاخد أجرة، زي الكلام عن حق الإرضاع أو أجرة الرضاعة، كل ده موجود في الدين وأنت مش بتبذل جهد عشان تعرفها.

واختتم كلامه بهذا الشأن، قائلًا: الدين منزلش من السماء وأملى عليك في حاجة ولازم يقولها الإمام كذا قال كذا ويعرض 5 أو 10 حاجات والشخص ياخد منهم، والمصحف لا ينطق إنما ينطق الرجال.

إبراهيم عيسى عن تأليف عمل فني مثل "فاتن أمل حربي"

وعن قابلية تأليف عمل يناقش قانون من الأحوال المدنية مثل “فاتن أمل حربي” قال: هيكون قانون إزدراء الأديان، من زاوية إن الناس من حقها تنتاقش مش يودوا بعض المحاكم أو يحبسوا بعض، أكبر شئ يزدري الأديان هو ازدراء الأديان بس مش هلاقيله مخرج.. وبيتم التعامل مع أي نقاش ديني على إنه ازداء أديان، وبيستخدم على طول بمثابة التهمة وده سيف على رقبة الناس.