أول رد من سارة الطباخ على اتهامها في أزمة شيرين عبد الوهاب: "كان هدفي أطمن عليها"

خرجت سارة الطباخ، مديرة أعمال المطربة شيرين عبد الوهاب السابقة لترد على اتهامات شقيق شيرين عبد الوهاب الأخيرة بشأ تسببها في تدمير الفنانة.

تحيا مصر يرصد في ذلك التقرير أول تعليق من سارة الطباخ على أزمة شيرين عبد الوهاب

سارة الطباخ وأزمة شيرين عبد الوهاب

قالت شيرين عبد الوهاب خلال مداخلة هاتفية مع الإعلامي عمرو أديب في برنامج “الحكاية”: “ تم الزج باسمي بدون مبرر أنا كنت خايفة على شيرين وعايزة أطمن عليها”.

وتابعت راوية ما حدث: “حسام حبيب  اتصل بيا وقالي ان شيرين عبد الوهاب اتعرضت للضرب من أخوها وانها مختفية من يوم الخميس ومحتجزها عنوة في المستشفى، دخلت ياسر قنطوش عشان هو المحامي بتاعي وبتاع شيرين عبد الوهاب وحسام حبيب حاول كتير يوصل لناس كتير يساعدوها  لكن معرفش والسبب انه يلجألي انه عارف اني عارفة ياسر قنطوش".

سارة الطباخ: ياسر قنطوش كلم مصطفى كامل وأكدله ان عندها مشكلة

وتابعت سارة الطباخ: “ياسر قنطوش كلم مصطفى كامل وأكدله إن شيرين في مشكلة، وأما كلمتها في البيت مدبرة المنزل قالتلي انها مسافرة ودا شكنني أكتر، وخلانا نروحلها المستشفى عشان نتأكد أنها بخير، أما سألنا على اسمها قالولنا مش موجودة، لكن حسام حبيب أكد انها جوة المستشفى".

سارة الطباخ: انا وشيرين عبد الوهاب على علاقة طيبة

سبب إني روحت لـ شيرين المستشفى العيش والملح اللي بينا، ورغم أن في الفترة الأخيرة علاقتنا مكنتش كويسة إلا أن احنا مزلنا أصدقاء".

وتابعت سارة الطباخ حديثها، مشيدة بـ شيرين عبد الوهاب: “قلبها طيب زي البفتة البيضة وخيرها على الكل أولها أخوها وشخصية حساسة جدا، وكلنا مش عارفين انها متسرعة عشان كدة مش بنزعل منها”.

جدير بالذكر، انه خرج شقيق شيرين عبد الوهاب لـ يوجه اتهامات شديدة اللهجة لـ حسام حبيب وسارة الطباخ، فقال خلال مداخلة هاتفية لـ برنامج الحكاية مع الإعلامي عمرو أديب: “حسام حبيب وسارة الطباخ واقفين تحت المستشفى يصوتوا يا شيرين يا شيرين، ودي ناس معرفش ايه علاقتها بالموضوع، دي ناس مش عايزنها تتعالج”، ليبدأ اثارة الجدل والتساؤلات حول الثنائي.