مدحت صالح: مبعتبرش نفسي ممثل ومكنتش محظوظ في السينما

تحدث الفنان مدحت صالح عن بداية دخوله في مجال التمثيل، وذلك خلال حلوله ضيف على برنامج أنغام، الذي تقدمه المطربة الشهيرة عبر شاشة dmc.

تحيا مصر يرصد في ذلك التقرير بداية مدحت صالح مع التمثيل

مدحت صالح عن دخوله مجال التمثيل: “عادل صادق اللي اكتشفني.. وكنت قلقان من الفوازير”

قال مدحت صالح، متحدثا عن أولى خطواته في مجال التمثيل: “أول حد شافني كان عادل صادق دراما، وأول مسلسل عملته في حياتي كان معاه ومديحة يسري وعمر الحريري وممدوح وافي، وبعدها عملت مسرح  وبعدها فوازير وهما كانوا بيختاروني عشان شايفين أدائي، كنت قلقان من الفوازير جدا وأنا كنت طالع من مدارس الكرستالة والأوركستار”.

مدحت صالح: مكنتش غاوي تمثيل ومعرفتش اني بحبه إلا أما طلبوا مني أدوار

وتابع مدحت صالح حديثه، قائلا: “انا أما بحب حاجة بعملها وبقيت أتألق فيها، انا بقول اني ضيف على التمثيل ومكنش في دماغي خالص ومكنتش أعرف اني ممثل الا اما هما قالولي، وأنا مبعتبرش نفسي في حتة الممثل ومكنتش محظوظ في السينما”.

وعن سبب نجاح أغنياته في الأعمال الدرامية مثل نجاح العمل نفسه، فقال: “الناس القائمين على العمل بيشاوروا على حد يغني الأغنية دي فبيكون مناسب فبينجح، الأغنية هي اللي بتختارني، وانا بحب الأغنية اللي للدراما، المطرب بيطلع اللي المخرج والمؤلف والملحن شرحهوله فبيعرف يوصل الأغنية كويس، وكل واحد فينا بيخلص للي بيعمه والنتيجة بتطلع كدة”.

مدحت صالح يوجه رسالة للنجوم

ووجه مدحت صالح رسالة لأصدقائه النجوم خلال الحلقة، فقال: “لازم تصدقي نفسك وتبقى حقيقتك، مش بالضرورة ان وجهة نظري أفرضها عليكي وتنجح معاكي، مفيش حاجة اسمها المفروض تعمل زي الأشخاص التانين اللي نجحوا، المفروض بتاعي أنا بس”.

جدير بالذكر، أنه سبق وتحدث مدحت صالح عن بدايته في الفن، فقال: "“أنا مكنتش أتخيل أن بعد إعدادي أروح موسيقى، وروحت ثانوي أزهري ودخلت كلية زراعة ورجعت عايز أناقش نفسي، ودخلت معهد الموسيقى، وقبل الفترة دي كنت بغني مع أبلة فضيلة بس كنت بتقدم باسم محمد، أول غنوة عملتها كانت سنة 1976 وأنا عندي 16 سنة اسمها "أنا شغلتي تلميذ"، وبعدين السنة اللي بعديها عملنا غنوة كان الريس السادات راح زيارة للقدس أيام معاهدة السادات فعملت غنوة اسمها سلمى يا سلامة شوفنا السلام والسلامة".