"مراتي سابتلي البيت عشان مدفعتلهاش أشتراك النت " مأساة زوج أمام محكمة الأسرة

"مراتي مخلية النت كل حياتها ومش بتعمل حاجة غير أنها ماسكة التليفون " بتلك الكلمات روي زوج امام محكمة الأسرة عن زوجته التي أهملت نفسها وبيتها بسبب أهتمامها بالهاتف وبالأنترنت طوال الوقت مما أدي إلي نفور زوجها منها .

مأساة مروة أمام محكمة الاسرة : جوزي بيوهم البنات أنه هيشغلهم عنده في الشركة وبعدين يكتب عليهم ورقتين عرفي ويرميهم

"جوزي ضربني علي دماغي بالعصاية عشان خدت منه 10 جنية" مأساة أسراء أمام محكمة الأسرة

مراتي مهووسة بالتليفون من أيام الخطوبة 

بدأ الزوج حديثه لتحيا مصر :" انا ومراتي لسة عرسان جداد وأيام خطوبتنا كنت بلاحظ أنها مهتمة بتليفونها جدا وأغلب وقتها بيعدي وهي ماسكاه تتفرج علي مسسلسلات تكلم صاحباتها تنزل صورها تتفرج علي فيديوهات ومقاطع تسليها  لكن كنت بقول لنفسي هي برضه دلوقتي لسة بنت وصغيرة خصوصا أني أتجوزتها وهي لسة في سنة تانية كلية وأكيد بعد الجواز لما تبقي شايلة مسئولية بيت مش هيبقي عندها وقت للكلام ده لكن اللي حصل عكس كدة تماما ".

بعد الجواز كانت بتهمل كل حاجة في البيت بسبب قعادها علي النت 

وتابعت :" بعد ما اتجوزت مراتي كان اغلب خناقتنا بسبب مسكتها للتليفون كنت أرجع من البيت ألاقيها قاعدة علي السرير وماسكة الموبايل وأبقي سايبها علي الحال ده من الصبح بالـ5 والـ6 ساعات ولما أسألها " أنتي معملتيش غدا لية ولا روقتي الشقة ولا خدتي شاور حتي وغيرتي لبسك انتي مش عارفة اني هرجع من الشغل دلوقتي " الاقيها بتقولي "الوقت جري بيا ومحستش بنفسي " ده غير أني مكنتش بحس بأي اهتمام منها كزوجة ليا مكنتش بتقعد معايا ونتكلم ولا تسألنا علي اخباري أو يومي في الشغل مكنتش بشوف وشها حتي غير وهو قدام شاشة التليفون "  .

قررت مدفعلهاش أشتراك النت راحت غضبت وسابتلي البت 

وأستكمل :" أخر ما تعبت من الوضع اللي مراتي معيشاني فيه دخلنا علي شهر جديد وكانت باقة النت خلصت ولقيتها بتتصل بيا وأنا في عز الشغل وبتقولي " متجيش غير وأنت دافع أشتراك النت " لكن انا قررت أني معملهاش اللي هي عايزاه وأشوف هي هتعمل أية يمكن لما متلاقيش نت في البيت تفوق شوية لنفسها وتركز معايا وبالفعل رجعت البيت ولما سألتني علي الأشتراك دفعته ولا لا ؟ قولتها " لا مش هدفعه يمكن تتعلمي تفوقي شوية لجوزك ولبيتك بدل الأهمال اللي أنتي معيشانا فيه " غضبت وفضلت تزعق ولمت هدومها عشان تروح لبيت أهلها ".
 

مراتي سابت بيتها 5 شهور عشان باقة نت  

وأختتم :" مراتي وقتها سابتلي البيت عشان حست أني بعند معاها وده جه علي كرامتها وكمان عشان تروح لبيت اهلها وتعيش علي النت براحتها من غير ما حد يحاسبها عدا 5 شهور وهي بيت اهلها ومش بترفع عليا سماعة تليفون ولما كنت أشتكيها لأهلها مكنتش ألاقي منها رد فعل لحد ما قررت أطلقها وأبعتلها ورقتها لما اتأكدت انها أنسانة مهملة ولسة منضجتش كفاية عشان تعمل بيت وأسرة لأن الجواز محتاج أنسانة تدي كل أهتمامها ووقتها لبيتها وجوزها وانا مراتي مكنتش كدة ".