فعل فاضح ينتهي بفصل السائق عن العمل.. أوبر تنهي خدمة أحد موظفيها بسبب شاب وفتاة

في وقت متأخر من الليل وصل للكابتن هاني، أحد العاملين في شركات التوصيل «أوبر» طلب على التطبيق الخاص بالرحلات ليقبله، لكنه لم يكن يعلم أن هذا الطلب سيكون سببًا في فصله من العمل بتلك الشركة، بعدما استمر فيها لأكثر من عامين قام خلالها بـ 4500 رحلة.

طلب في منتصف الليل

يروي كابتن هاني خلال بث مباشر مع تحيا مصر، تفاصيل فصه عن العمل بشركة «أوبر» كيف حدث ذلك، حيث يقول: «في يوم 27 سبتمبر الساعة 12 منتصف اليل، جائني طلب عند مجمع شبل أوت، من شابين خلايجة ومعهم بنت ليست مصرية.. ولد ركب جني، والولد والبنت ركبوا ورا».

جاءت المقدمة غير طبيعية، وتوحي بأن هناك شيئًا ما سيحدث، ويرتب الشاب والفتاة لذلك بداخل العربي، يقول الكابتن هاني: «أول ما طلعنا، الولد طلب اشغل المكيف رغم إن الوقت متأخر والجو برد، لكن شغلته زي ما طلب، والبنت طلبت بلوتوث، عطتهولها، وشغلت أغنية رومانسية ووطت الصوت».

فعل مخل بداخل السيارة

يحكي الكابتن هاني: «لما بيكون ولد وبنت معايا، بأمن عليهم وببص في المرايا علشان متحصلش حاجه غلط.. بعد ما مشيت لقيت الواد فتح دراعه والبنت مرميه في حضته، وحاطط إيديه في قلب مكان حساس، من جوا الفستان مش من بره، والبنت كانت مندمج معاه جدًا».

وواصل: «لما شوفت الموقف بقوله ايه يا فندم اللي بيحصل وهديت السرعة، كان هو عدل نفسه وقالي سوق سوق وأنا هديلك المصاري اللي عايزها.. لاقيت الواد اللي جنبي خبطني بضهر إيده في صدري، وبيشتمني ويقولي إيه يا حيوان اللي بتقوله ده.. ده أنا خالي مسؤول أوديك في داهية».

ورد السائق: «قولتله خالك ايه ومسؤول ايه.. هو أنت عايز تبقا في قلب عربيتي وتقل أدبك في قلب وعايزين أسمح بكده، مصاري أيه وزفت إيه.. يالا انت وهو وفتحت العربية نزلتهم».

تقرير بالواقعة

بعد نزول الشابين ومعهم الفتاة، بسبب الفعل الفاضح الذي حدث بينهما في السيارة، يقول الكابتن هاني: «مشيت قدام شويبة، وكتبت تقرير للشركة بعد الواقعة مباشرة، وبعته وقولت إنه في وضع مخل حدث بالعربية وأنهيت الرحلة اللي كانت بادئة من التجمع إلى الزمالك».

وجاء نص تقرير السائق كالتالي: «لقد قمت بإلغاء الرحلة لسوء سلوك اتنين شباب معاهم بنت، واحد راكب قدام، وواحد ورا، ببص لقيته بيعمل حركة مخلة».

فيما جاء أول رد من الشركة كالتالي: «شكرا لتواصلك معا يا هاني، نأسف لسماع هذه التجربة، إن السلوك الذي تم وصف غير مقبول على الإطلاق، ونود التأكيد على أننا سنتعامل مع التقرير بمنتهى الجدية».

حظر نهائي

لكن فوجئ الكابن هاني في صباح اليوم التالي، بأنه قد حظر ولا يمكنه القيام برحلات، يحكي: « تاني يوم الصبح، بفتح البرنامج علشان أشوف شغلي، لقيت البرنامج مغلق وتم حظر الحساب.. لكن أنا بقالي سنتين في الشركة عامل 4500 رحلة، ليا دعم إني أتواصل مع الشركة بالتليفون بصفي كابتن مميز، وبالفعل اتواصلت مع الشركة قالولي في تحقيق داخلي والشركة هتتواصل مع حضرتك.. قولتلهم التحقيق هيكون مع مين، المفروض يكون معايا أن والعميل، قالتلي هنتواصل معاك».

وتابع: «اتواصلت معاهم كذا مرة وكل مرة يقولولي لسه، لحد ما الشركة اتصلت بيا، وحكتلهم الموقف اللي حصل، قالولي هنتواصل معاك ويومين ونكلمك، وبعد يومين اتصلوا بيا قالولي انت انفصلت من الشركة وتم حظرك نهائيًا».

لمس مناطق حساسة من جسدها..المشدد في انتظار مدرس متهم بهتك عرض طالبة بإعدادي

"مراتي عايزة تنحت جسمها عشان تبقي شبه الممثلين"مأساة زوج أمام محكمة الأسرة

يحكي كابتن هاني حالته الصعبة بعد فصله من العمل بسبب رفضه السكوت على وقوع أفعال مخلة  بداخل سيارته: "أنا عايز حقي، لأني أكل عيشي مقطوع بسبب إني مقبلتش بوضع مخل".

وأضاف: "هما قالولي إني رفعت سلاح عليهم وده محصلش.. ولو أنا مش كابتن كويس، إزاي كنت هستمر 4500 رحلة، وتقييمي عالي وأنا كابتن ماسي، وأول مرة يحصل معايا موقف زي ده".