"مراتي عايزة تنحت جسمها عشان تبقي شبه الممثلين"مأساة زوج أمام محكمة الأسرة

"ظروفنا علي قدها ومراتي مش بتفكر غير في جسمها وشكلها وبتطلب مني مبالغ مش قادر عليها".. بتلك الكلمات روي أيهاب لـ تحيا مصر من امام محكمة الأسرة عن زوجته التي تعيش في وهم محاولة تقليد الفنانات بالرغم من درايتها بظروف ومشقة الحياة المادية التي يمر بها زوجها.

تحيا مصر

"مراتي أكلها كله من علي النت وبقرف".. مأساة زوج أمام محكمة الأسرة

"جوزي دلوعة أبوه و بياخد مصروفه من أمه".. مأساة صابرين أمام محكمة الأسرة بالجيزة

مراتي طول الوقت ماسكة التليفون وبتتفرج علي المشاهير  

بدأ أيهاب حديثه لتحيا مصر:"أنا متجوز مراتي من 15 سنة وكانت قنوعة وبتحبني وراضية بيا وبظروفي في الفترة الأخيرة لاحظت أنها بقيت تتأثر أوي بالممثلين وشكلهم ولبسهم والحياة اللي هما عايشينها وبتطالبني أني أعيشها نفس العيشة دي ومبقيتش راضية كمان بحالها ولا بشكلها وبتقارن نفسها بيهم طول الوقت وتشوف نفسها وحشة قصادهم مع أني دايما أقولها انها بسيطة وجميلة وأني حابب شكلها كدة  لكن برضه مبتقتنعش بكلامي .

طلبت مني مبالغ ضخمة عشان تعمل عمليات ولما رفض أتهمتني بالبخل 

وتابع :" مراتي جت وطلبت مني أوديها لدكتور تجميل ينحت جسمها عشان تبقي شبة الممثلين وطلبت مني كمان فلوس كتيرة تشتري بيهم لبس وفساتين  جديدة وطلبات تانية كتيرة اوي بقيت الاقيها من مراتي ممكن تعدي الـ100 الف جنية ولما رفضت أني البيلها طلباتها أتهمتني بالبخل قدام أهلها وصحابها رغم أنها أكتر واحدة عارفة الظروف وعارفة أن يادوب اللي معانا يكفي مصاريف الولاد وأحتياجاتهم ومدارسهم لكن هي رغبتها للتقليد عميتها عن كل ده ومبقيتش قادرة تشوف غير نفسها ".

رفعت عليا قضية خلع وأنا مليش أي ذنب 

وأختتم :" مراتي رفعت عليا قضية خلع عشان تخلص مني وأنا مش عارف أنا أية ذنبي وأية اللي قصرت فيه معاها كان أية الطلوب منه اعمله وأنا عندي 4 عيال مسؤولين مني ورغم ان كل أهلها عارفين أني عمري ما قصرت معاها ولا مع عيالي في حاجة ومع ذلك محدش منهم دافع عني ولا أقنعها ترجع عن اللي في رأيها ورغبتها في الأنفصال بسبب تأثيرها عليهم ودلوقتي أنا مقداميش حل غير أني أرضى بالأمر الواقع وأبعد عنها وخصوصا أني أكتشفت أنانيتها وغدرها وعوضي عند ربنا ".