"جوزي دلوعة أبوه و بياخد مصروفه من أمه".. مأساة صابرين أمام محكمة الأسرة بالجيزة

"حمايا اللي بيصرف علينا ومش حاسة أني ست متجوزة".. بتلك الكلمات روت صابرين لـ تحيا مصر من امام محكمة الأسرة عن زوجها العاطل الذي أعتاد علي أخذ الأموال من والده وأمه، رغم  تجاوز عمره الـ30 وأصبح لديه 3أطفال .

زوجة في دعوي خلع: جوزي بيحب يقلد الأفلام الأباحية بشراسة

هبة أمام محكمة الأسرة : جوزي ضربني وطردني عشان نسيت أخد حبوب منع الحمل

وافقت عليه وهو عاطل عشان كنت بحبه 

بدأت صابرين حديثها لـ تحيا مصر:" أتعرفت علي جوزي من 8  سنين وأهله هما اللي كانوا مجهزينه و جايبينله الشقة وفارشنهاله  ولما اهلي أستغربوا وضعه لما جه يتقدملي  كنت بقولهم يمكن عشان لسة شاب وصغير ولما أتجوزني كان يدوب لسة مخلص دراسته في الكلية ده غير أنه أبنهم الوحيد وأنا عشان كنت بحبه كان عندي أمل أنه يشد حيله بعد الجواز ويبطل ياخد من أهله عشان نعيش أنا وهو مستقرين ومعتمدين علي نفسنا ".

حمايا هو اللي معيشنا ولما تعب حالنا وقف  

وتابعت:" بعد الجواز مفيش أي حاجة اتغيرت  لقيت حمايا وحماتي هما اللي ممشين أمورنا  ولما كنت اطلب من جوزي يشتغل كان يقولي " لية البهدلة أحنا الحمدلله مش ناقصنا حاجة وأبويا خيره مغرقنا " وأستمرينا 8 سنين علي الحال ده كتير أوي كنت بفكر أنفصل بس كنت بخاف علي مستقبل عيالي التلاتة  لحد ما حمايا جتله أزمة في قلبه وتعب ومبقاش قادر يصرف علينا زي الأول  وجوزي بدل ما يتعظ من تبديل الحال  بقي بياخد من صحابه ووالدته لحد ما والده يخف جه علينا وقت مكنتش عارفة اأكل عيالي ولا أوديهم دروسهم في المدرسة  فكرت كتير أشتغل و أمشي أنا حال البيت  بس عيالي كانوا مقيدني لأنهم في سن محتاج مني أهتمام طول الوقت ".

قررت اخلعه  

وأختتمت:"لما حسيت ان كل اللي أنا وصلتله ده بسبب أهمال جوزي والدلع اللي أتربي عليه قررت أخلعه ولجأت للمحكمة عشان أمشي في أجراءات أنفصالنا".