هبة أمام محكمة الأسرة : جوزي ضربني وطردني عشان نسيت أخد حبوب منع الحمل

"كنت بحبه ونفسي أجيب منه ولد ولما ربنا رزقني طلقني بعد فرحنا بشهر".. بتلك الكلمات روت هبة لـ تحيا مصر أمام محكمة الأسرة عن زوجها الذي ألقي بها في شارع عندما علم أنها حملت منه، وكان ذلك ينافي رغبته، فهو أعتاد علي الزواج من النساء التي تحلو له، ولكن بدون دخول في مسؤولية مع أحداهن.

زوج امام محكمة الأسرة : مراتي بتخلي بنتي تكلم شباب وتسهر معاهم للفجر

عبير من أمام محكمة الأسرة بـ زنانيري: ضرتي سرقت دهبي عشان جوزها سابها وجالي

كنا متفقين ميبقاش فيه خلفة غير بعد سنتين 

بدأت زينب حديثها لتحيا مصر :"الواقعة حصلت لما كنا أنا وجوزي عرسان جداد وفرحنا كان من شهر واحد، كنا متفقين أن ميبقاش في خلفة غير بعد سنة او أتنين, وانا طاوعته رغم أنها مدة كانت كبيرة بنسبالي، خوفت يبقي مش عايز يخلف مني عشان يعرف يطلقني ويتجوز غيري من غير ما أطالبه بحقوق، لأنه عمل كدة مع كذا ست قبلي، لكن أنا عشان كنت بحبه وبحس أن هو كمان بيحبني، أفتكرت أني هكون مختلفة عن الستات دي وأن أكيد اللي حصل فيهم مش هيحصل فيا، بس كانت مبرراته أنه مش عايز خلفة دلوقتي عشان نلحق نكون مع بعض أطول فترة ممكنة من غير تعب ولا مسؤولية أطفال ".

نسيت أخد حبوب منع الحمل 

وتابعت :"كنت متعودة أن قبل أي علاقة تحصل بيني وبين زوجي، أخد قبلها حباية منع الحمل، وفي يوم نسيت أخدها وتمت بيننا علاقة، خبيت عليه أني مش واخدة الحبوب و قولت أن شاء الله ميحصلش حمل من المرة دي،عدت الأيام وبدأت تظهر عليا أعراض الحمل، لكن كدبت نفسي، لحد ما الموضوع بدأ يزيد وجوزي بدأ ياخد باله، أستنيته في يوم يروح الشغل، وروحت كشفت عن الدكتور، واللي خوفت منه طلع حقيقي، والدكتور قالي "مبروك أنتي حامل ". 

كسر رقبتي من الضرب وطردني الساعة 2 بليل 

وأختتمت :"خوفت أواجه جوزي بكلام الدكتور في وقتها، لكن لما مبقيتش قادرة أداري تعب الحمل أكتر من كدة، قررت أصارحه أستنيته في يوم يرجع من الشغل ووأحنا قاعدين علي العشا وفي لحظة صفا قولتله، أتحول في اللحظة دي لبني أدم معرفهوش ونزل عليا ضرب في جسمي كله ورقبتي أتكسرت في أيده، وقالي " أنتوا بنسبالي أتجوزكم شوية واحدة ورا التانية وأتبسط بيكم، لكن اللي تشيل مني عيل في بطنها أرميها لكلاب السكك تنهش فيها "، وطردني بعدها من البيت الساعة 2 بليل ورجعت لبيت أهلي وجابلي ورقة طلاقي علي هناك، ودلوقتي أنا رافعة عليه دعوي نفقة عشان أبني اللي جه الدنيا من أب مفيش في قلبه رحمه، وأملي في القانون والعدالة كبير ".