زوجة في دعوي خلع: جوزي بيحب يقلد الأفلام الأباحية بشراسة

"مبقيتش أعرف أصلي بسبب اللي جوزي بيعمله"..بتلك الكلمات روت زوجة لـ تحيا مصر من أمام محكمة الأسرة عن زوجها وشراهته الجنسية أثناء العلاقة وطلباته التي يفرضها عليها وهي بضعف منها تتجاوب معه حتي لا تتدهور الحياة بينهم.

رغد أمام محكمة الأسرة: جوزي عرض عليا مليون جنية عشان أوافق علي جوازته التانية ومحرمهوش من العيال

هبة أمام محكمة الأسرة : جوزي ضربني وطردني عشان نسيت أخد حبوب منع الحمل

جوزي أكبر مني ب 15 سنة  

بدأت الزوجة حديثها :" أنا وجوزي في فرق عمر بيننا 15 سنة ومتجوزين بقالنا 13 سنة وعندنا بنت  لما أتعرفت علي جوزي في البداية كان محترم جدا وبيصلي وملتزم  ده غير أنه كان بيحبني و بيتمنالي الرضا أرضي وافقت عليه وعيشنا أول كام سنة في جوازنا مرتاحين جريت بينا السنين وزادت المسؤولية والروتين , لحد ما في مرة جيت أمسك تليفونه في مرة وشوفت اللي مكنتش عمري أتمني أشوفه ".

بيقولي تعالي نعمل زي اللي في الأفلام  

وتابعت:"مسكت في مرة تليفونه ولقيته مليان أفلام أباحية من المواقع وبنات بتكلمه وبتبعتله صورها  ولما جيت أواجهه أول مرة أعتذرلي ومسك المصحف وحلف عليه أنه مش هيفتح المواقع دي تاني ولا هيكلم حد  لكنه مع الوقت ضعف ورجع للحاجات دي تاني لا وكمان بقي بيطلب مني أننا نعمل زيها مبقاش يعرف يعمل معايا العلاقة الزوجية غير لما يتخيل حاجات وأفكار شاذة  ويقولي كمان ألفاظ مستباحة ".

أنا ست ملتزمة ومش هقبل أكمل حياتي كدة 

واختتمت :" طاوعته مرة والتانية والتالتة عشان خاطر ميغضبش عليا ويسيبني أنا وبنتي , لكن مع الوقت بقيت أخجل أقف أصلي قدام ربنا  من اللي هو بيعمله فيا خصوصا أني ست ملتزمة طول عمري وجوازي منه غيرني وبعدني عن ربنا مكنش في أيدي حل غير أني أقوله أنه لو متغيرش هسيبه وهنفصل عنه أنا وبنته لكني أتفاجأت برد فعله وعدم أهتمامه لما قالي " أعملي اللي تعمليه كدة كدة هتجوز عليكي واحدة تعملي اللي أنا عايزه " ومن هنا أدركت أن الحياة بيننا أستحالة تكمل  لجات للمحكمة عشان أخلعه وأنضف حياتي اللي أتوسخت بسببه ".