شاهين: الناس كانت بتشوف مطربي الراب حثالة في 2011 مش زي دلوقتي

تحدث مطرب الراب المصري شاهين، عن الصعوبات التي واجهته خلال عام 2011 واضطرته للسفر خارج البلاد.

تحيا مصر يرصد تصريحات شاهين عن عام 2011.

صعوبات واجهت مطرب الراب شاهين 

وقال شاهين خلال إحدى اللقاءات التليفزيونية:  سافرت إلى دبي في عام 2011، مرحلة دبي مكنش فيها أمان، إن يكون عندي وظيفة ثابتة مش أمان لأني كنت على كف عفريت وضيف على البلد".

وتابع: اشتغلت في الكول سنتر بعد 2011 بعد ما فيلم ميكروفون نزل، والناس كانوا بيشوفوا مغنيين الراب دول حثالة في وقت 2011، مكنش زي دلوقتي.

شاهين يطرح أحلامي مش بالليل

طرح مغني الراب شاهين، فيديو كليب أغنية «أحلامي مش بالليل»، بالتعاون مع ماجد الكدواني وهند صبري، وهي الأغنية الرسمية لفيلم «فضل ونعمة»، وذلك عبر قناته الخاصة على موقع «يوتيوب»، والأغنية من كلمات شاهين، وتوزيع موسيقى رحال.

كلمات أغنية فيلم فضل و نعمة غناء شاهين

احلامي مش بليل
احلامي جراية زي الخيل
موصلتش العمر طويل يمكن شايفني عاويل
علشان انا من جيل وانت جيل شايفها خيبه وقصر ديل
فوق كتافي حمل تقيل ولسه لسه هعافر وهشيل
بس بنرقص من الهم وبنتعصب عشان لسه فيه دم

انت في النيها انت اركن علي جمب بس انا طموحي كبيرة
ف بدخل بالجمب وكل ما تيجي مني تعصلج اتوه والرؤية تتعتر
بهنج برستر اشوفك في party after
فا متحرقيش دمي على الصبح ونا لسه قايم من النوم وبكح
لو الجته صاحية وعيني مفتحة فا انا لسه بصحي خلايا المخ

انا شايفه نتعب دلوقتي كدا احسن نرتاح بعدين ونبقي احسن
بدل ما نفضل زي ما احنا نديها زقه يستحسن
احلامي مش بليل احلامي جراية زي الخيل
موصلتش العمر طويل يمكن شايفني عاويل
علشان انا من جيل وانت جيل شايفها خيبه وقصر ديل
فوق كتافي حمل تقيل ولسه لسه هعافر وهشيل

يمكن انا قديم سيكا قلبي خبره مخي فبريكا
فا مش بتكلم بالنميجا انا علي الدوغري مفيش خريطة
كدا كدا هكمل المشوار واللي هيمنعني هحرقوا بالسشوار
لالا مش هبكي علي اللي راح مش هستسلم لا
انا اعدي من اي حوار والاشغال الشاقه في الشقة
في السعي مو صلاح وفي الفرك سقا

لو في حاجه في دماغي هجيبها زي ما تيجي هلاعبها
وراها وراها مش هسيبها داخل بقلبي مش هسيبها
وووو ووووو ووو
احلامي مش بليل احلامي جراية زي الخيل
موصلتش والعمر طويل يمكن شايفني عاويل
علشان انا من جيل وانت جيل شايفها خيبه وقصر ديل
فوق كتافي حمل تقيل ولسه لسه هعافر وهشيل