ريهام عبد الغفور تحكي تفاصيل تعرضها للتحرش الجنسي في طفولتها

تحدثت الفنانة ريهام عبد الغفور عن تفاصيل تعرضها للتحرش الجنسي في طفولتها، وذلك خلال حوارها اليوم ببرنامج "AB Talks" مع الإعلامي ورائد الأعمال أنس بوخش عبر قناته الرسمية على موقع الفيديوهات العالمي "يوتيوب".

تحيا مصر يرصد تفاصيل تعرض ريهام عبد الغفور للتحرش في طفولتها

حيث قالت ريهام عبد الغفور خلال الحوار: "طفولتي كانت طفولة لذيذة، أخواتي كبار عني وكنت دلوعة كل الناس وفيه فرق كبير بيني وبين أخواتي وفيه بعض الحاجات اللي حصلتلي وأنا صغيرة متختطهاش غير وأنا كبيرة ومحدش يعرف عنها حاجة وجوزي هو الشخص الوحيد اللي يعرفها".

تعرض ريهام عبد الغفور للتحرش في طفولتها

وتابعت ريهام عبد الغفور حديثها قائلة: "وأنا صغيرة اتعرضت للتحرش وكانت حاجة صادمة بالنسبالي لأنه كان راجل يكاد يكون اد جدي وكان بالنسبة لأهلي حد موثوق فيه، فدي قصة أنا تخطيتها السنادي بأني اتكلمت فيها وأول مرة حكيت فيها كانت مع جوزي وصديقتي المفضلة".

وأضافت ريهام قائلة: "وبتكلم فيها دلوقتي لسبب، لفكرة أنك تثق في حد مع عيالك فكرة مفيهاش توقعات، يعني أنا بقيت كأم عندي العكس معنديش أي ثقة لاي حد مع ولادي أيا كان هو مين.. ودايما يوسف ابني بيقولي انتي حاجتك الشخصية اللي اتعرضتي ليها بسببها بقيتي أوفر في الحماية معاها".

ريهام عبد الغفور والتحرش الجنسي

ومن جانبه، كشفت ريهام أنها كانت بعمر السادسة عندما حدث لها واقعة التحرش، حيث قالت: "كان عمري 6 أو 7 سنين وقتها والبايخ في الموضوع أن أنا اتعرفت على إحساس الشماتة وأنا في السن دا، بمعنى ايه، أن أنا لما اتقال أن الشخص دا مات فرحت، وطبعا مش طبيعي أن طفل في السن دا يفرح أن حد يموت وكانت أول وأخر مرة في حياتي أحس يعني أيه الشماتة دي".

وتابعت: "لأنه كان شخص غليظ كبير اذاني وأنا كنت جبانة أكتر من حتى أحكي الموضوع، فلما كنت بشوفه بنزل بستخبى تحت السفرة من كتر ما أنا بترعب منه ومش لقياله حل ومش عارفة اقول اللي حصل.. والحمد لله أنا كويسة دلوقتي".