سوسن بدر: اتحبيت كتير.. وعيشت الإهانة والخيانة| فيديو

كشفت الفنانة سوسن بدر عن الكثير من الأمور التي تخص حياتها العاطفية اليوم في برنامج "واحد من الناس" مع الإعلامي عمرو الليثي من خلال شاشة تلفزيون قناة "الحياة"، وأكدت على أنها لا تسامح في الخيانة والإهانة والكذب.

تحيا مصر يرصد تفاصيل أبرز تصريحات الفنانة سوسن بدر حول حياتها العاطفية

حيث قالت سوسن بدر: "أنا اتحبيت كتير من برا وجوا الوسط الفني، لأن أنا بحب بجد، ولما ببقى زعلانة من حد بقوله أنا زعلانة منك وبديله فرصة يقولي ليه، ومفيش ما يدعو لخلافات حادة وعميقة ومعارك دامية بين البني آدمين إلا لو حاجة متعلقة بالكرامة أو الشرف".

السبب وراء فشل زيجات سوسن بدر

ومن جانبه، أوضحت الفنانة سوسن بدر السبب وراء فشل زيجاتها، حيث قالت لـ برنامج "واحد من الناس": "مفيش نهايات بتفرض ولا بدايات بتفرض إنما أنا عملت اللي المفروض كنت أعمله ساعتها، يمكن النهاردة بعد العمر وبعد التجربة وبعد الخبرة دي تسألني في موقف معين كنتي هتعملي كدا هقولك اه كنت هعمل لأن فيه مبادئ مش هتتغير وغي حاجات مش هتنازل عنها زي الإهانة والخيانة، وأنا عيشتهم الاتنين ومفيش حد معاشهمش.. دي شاكيرا اتخانت".

وتابعت سوسن بدر قائلة: "الإهانة ممكن تكون في خناقة أو لسانه وطبيعته وبيئته كدا بس دا بردو مش مبرر ولا فيه تسامح.. فيه حاجات تسامح فيها وفيه حاجات لا.. وأنا هفوت لو لحظة عصبية بس مفوتش الخيانة والإهانة والكذب".

وعن تفكيرها في الارتباط مرة أخرى قالت سوسن بدر: "لو جالي واحد عايز يتجوزني دلوقتي هقوله لا.. وهشكره على العرض بس أنا النهاردة بقى عندي متطلبات وطموحات تانية بعملها في سني دا.. وبالتأكيد الحب مالوش سن".

علاقة سوسن بدر بابنتها

ومن ناحية أخرى تحدثت الفنانة سوسن بدر عن علاقتها بابنتها أثناء حلولها ضيفة ببرنامج “واحد من الناس”، حيث قالت: “بحب لقب أم ياسمين جدا، واكتر حاجة كنت حريصة عليها وانا بربي ياسمين كذا حاجة زي كره الكذب، وكنت ساعات بضربها لو عملت نفس الغلطة مرتين، بس هي مش بتضرب عيالها خالص”.