«عملت عليا شريفة و طلعت رقاصة».. مروان أمام محكمة الأسرة عرفت حقيقة مراتي بعد 5 سنين جواز

"شوفت صور قديمة لمراتي وهي بترقص في كبارية في أسكندرية ومن وقتها حياتي أتدمرت".. بتلك الكلمات روي مروان لـ تحيا مصر من امام محكمة الأسرة عن صدمته التي تلقاها من زوجته بعد أن أصبح لديهم أطفال حين أكتشف ماضيها التي كانت عليه قبل الزواج وكان ذلك بالصدفة البحتة ومشيئة القدر .

تحيا مصر

"جوزي بيبعت صوري بقميص النوم للرجالة عشان الفلوس"مأساة هاجر أمام محكمة الأسرة

"مراتي عايزة تنحت جسمها عشان تبقي شبه الممثلين"مأساة زوج أمام محكمة الأسرة

حبيت مراتي وقررت أتجوزها لما شوفت أدبها وأخلاقها 

بدأ مروان حديثه لتحيا مصر من امام محكمة الأسرة :" أنا من القاهرة ومراتي من أسكندرية  وأتعرفت عليها في عيد ميلاد صديق مشترك بيننا وحبينا بعض و أتجوزنا من 6 سنين بعد قصة حب كبيرة لما أتعرفت عليها وأتقدمتلها كانت هادية جدا ورقيقة وأنا زي أي راجل شرقي حبيت الطبع ده فيها وطمني أنها هتبقي أم وزوجة مريحة في البداية أهلي حذروني منها وقالولي دي واحدة يتيمة وعايشة مع خالتها بس وممكن تبقي طمعانة في فلوسك عشان تريحها من الهم اللي هي عايشة فيه بس أنا دافعت عنها لأني كنت بحبها جدا وبالفعل اتجوزنا وخدتها تعيش معايا في القاهرة وتسيب أسكندرية وربنا رزقنا ببنتين توأم ".

الفيس بوك هو اللي كشفلي حقيقتها 

وتابع :" مراتي وأحنا مخطوبين كان ليها صفحة قديمة علي الفيس بوك ومسحتها كلها وحتي محاولتش ترجع الأصدقاء اللي كانت علي الصفحة دي وانا ساعتها عشان كنت مشغول بتجهيز الشقة مسألتهاش هي عملت كدة لية  وقولت يمكن صفحتها القديمة فيها مشكلة وخلاص وخصوصا أني كنت بثق فيها ثقة عمياء وكنت بشوف ان أي قرار هي بتاخده وبتنفذه أكيد بيكون الأنسب ليها وبعد جوازنا عملت صفحة علي الفيس بوك جديدة وضافت عليها قرايبها وقرايبي وبس ونزلت عليها صور فرحنا وكانت علي طول تنزل صور ولادنا وتشارك الناس فرحتها بيهم ".

طلعت رقاصة وأنا كنت فاكرها مبتخرجش من بيتها 

 وأستكمل :" في مرة كنت ماسك تليفون مراتي بتفرج علي حاجة وده نادرا جدا أنه يحصل  وفجأة لقيت رسالة من شخص غريب بيبعتلها دخلت بسرعة علي المحادثات وشوفت اللي عمري ما كنت اتمني أشوفه لقيت رسايل كتير من الشخص ده من ضمنها " أخيرا لقيتك تاني ؟ بعد ما غيرتي رقمك وقفلتي صفحتك قلبت عليكي الدنيا وقالولي أنك سيبتي أسكندرية وأتجوزتي في القاهرة ... معقول الجواز والخلفة نسوكي اللي كان بيننا ؟ .. لما لقيت صفحتك الجديدة ودخلت علي صورك لقيت وزنك زاد اوي بعد الخلفة ... أنتي كان عليكي هزت وسط وتقسيمة كانت بتوقع رجالة الكبارية كله .. أنتي صورك كلها لسة معايا عشان لما توحشيني ويوحشني رقصك أفتح أتفرج عليها " وهي رسايلها عليه كانت بتستسمحه فيها أنه يسيبها في حالها عشان هي بقيت ست متجوزة ومعاها عيال وأن خلاص اللي فات ده كله كان ماضي وأتنسي لكن رده عليها كان " مش هسيبك تهربي من أيدي تاني أنا ليا حق فيكي زي جوزك بالظبط  ده أنت خليتك متبقيش بنت علي أيدي  وبصراحة لما لقيتك تاني بعد كل الغيبة دي أشتاقت للأيام اللي كانت بينا ولو فكرتي تعملي بلوك هبعت الصور دي لجوزك " وبالفعل المحادثة كلها كانت مليانة صورها وهي بترقص وبينقطوها وفيديوهات ليها كمان ".

حسيت بكسرة هفضل عمري كله مش قادر أنساها وياريتني سمعت كلام أهلي 

وأضاف :" بعد ما شوفت الرسايل دي حسيت أني مش قادر أصلب طولي ولا عارف أنطق وهي لما دخلت عليا وشافتني ماسك تليفونها وفاتح رسايل الشخص ده قالتلي " أهدا وأنا هفهمك كل حاجة " أتكلمت معايا وقالتلي أن بعد ما أبوها وأمها أتوفوا هي مشيت في السكة دي وبقيت رقاصة في كبارية في أسكندرية عشان دي كانت أسرع طريقة تجيب بيها الفلوس وخصوصا أنها كانت صغيرة ولوحدها وأي شغل محترم كان هيحتاج برضه فلوس عشان تقدر تلتزم فيه لكن هي وخالتها كان بيعدي عليهم وقت مكنوش بيلاقوا حتي فيه الأكل والشرب

عملت عملية عشان ترجع بنت تاني وأتجوزها 

و هناك أتعرفت علي واحد وحبها وغلطت معاه وخلاها مش بنت وهي كانت خايفة ترفضله أي طلب لأنه كان المسؤول عن شغلها ووجودها في المكان واللي هو أكل عيشها بس لما أختلفت معاه بسبب زبون مشاها من الكبارية وفي الوقت ده أنا دخلت حياتها وحبتني وشافت فيا الأمان اللي هي أتحرمت منه طول عمرها  راحت ساعتها لدكتور عشان يعملها عملية ترجعها بنت تاني ومسحت كل صورها وغيرت رقمها ومسحت كمان صفحتها القديمة عشان ميكونش في أي أثر للي كانت بتعمله زمان ".

مش هينفع أخليها علي ذمتي لحظة واحدة 

وأختتم :" بعد كل اللي حكيتهولي ده رميت عليها الطلاق عشان حتي لو تابت وأتغيرت فهي برضه خدعتني وقبلت أن بيتنا يتبني علي كدب وحاليا أنا ماشي في أجراءات طلاقي منها وعيالي هيفضلوا معايا أنا وربنا يهديها ويصلح حالها ويعوضني خير ".