شريفة ماهر عن الرئيس عبد الفتاح السيسي: ربنا بعتهولنا والسويديون بيعبدوه

وجهت الفنانة شريفة ماهر خلال لقائها بموقع تحيا مصر، رسالة للرئيس عبد الفتاح السيسي، وأشادت بزوجته السيدة انتصار السيسي.

شريفة ماهر عن الرئيس عبد الفتاح السيسي: ربنا بعتهولنا والسويديون بيعبدوه

وقالت شريفة ماهر: ربنا ينصرك يا مصر على كل الدنيا وينصر الرئيس عبد الفتاح السيسي على كل اللي يعاديها.

وتابعت: مفيش رئيس قال إنه يشرفني يروح يشرب مع واحدة شاي، دا راجل ربنا بعتهولنا، ومراته محترمة ومحجبة، وأنا سعيدة جدًا إن ده رئيسنا والسويدين بيعبدوه.

تصريحات شريفة ماهر في تحيا مصر

 حجيت 6 مرات وعملت 20 عمرة

- اشتغلت في الفن مشربتش خمرة ولا سجارة

- في السويد اللي بيشرب سيجارة بياخد من سنة لـ 6 أشهر سجن

- الرئة بتبقى زي الطرحة السودة وناس كتير ماتو بالسجاير

- مفيش ولا مرة النبي زارني في المنام

- بيجيلي هواتف كتير اني متكلمش على حد ولا أعمل حاجة غلط

- بعد الحادثة قربت من ربي

- في كتير محافظين على الحجاب زي عفاف شعيب

- كل واحد حر بتاعة ربنا دي شغلة ربنا مش بتاعتنا

- هو مش بالحجاب فيه ناس محجبة وبتغلط

- الحجاب ارضاء للدين بتاعنا ودي رغبة مننا شخصية

-  سيبونا في حالنا وادعولنا بدال ما تقولوا كدة

شريفة ماهر عن فيفي عبده

علقت شريفة ماهر عن تصريح فيفي عبده الأخير بشأن تعليمها الجمهور الرقص مدى الحياة عن طريق الأونلاين حتى وفاتها، قائلة:"كل واحد حر انا مش ربنا هي أكيد كانت بتهرج وأما قولت ربنا يهدك يافيفي من عشمي فيها وفيفي دي أكتر من أختي وصحبتي ومعنديش صحاب لـ حد دلوقتي لأن أكترهم ماتو".

وتابعت شريفة ماهر حديثها: “كل حاجة بيني وبين فيفي عبده حلوة دي عشرة عمر لـ 50 سنة وقلبها طيب جدا وبنت حلال ربنا يديها الصحة وربنا يقويها على ولادها ويخليكي لينا وأنا اعرف أخلاقك كويس جدا”.

فيفي عبده تثير الجدل بتصريحاتها الأخيرة عن الرقص

جدير بالذكر، أنه كانت قد أثارت فيفي عبده الجدل في الأيام الماضية بعدما خرجت وكشفت انعزالها العالم، واستقرارها خلال الفترة الحالية في الساحل الشمالي، فضلا عن استعداداتها للتفاعل مع الجمهور من خلال لايفات مختلفة ويومية تكشف من خلالها تفاصيل يومها، وأشارت فيفي عبده إلى أنها ستقدم فيديوها لتعليم الرقص مجانا عن طريق الاونلاين، قائلة: هطلع أرقص كل يوم وهدرب الجمهور على الرقص أونلاين، هعلمكم كلكم، وتفاعل عدد كبير من الجمهور مع تلك التصريحات بين الموافقة والتأييد، وبين الإنتقادات.