شريفة ماهر: "ولادي رموني وخدوا شقتي.. وبنتي قلبها صخر"

حلت الفنانة شريفة ماهر ضيفة تحيا مصر، وكشفت عن تفاصيل علاقتها بأبنائها، بعد الأزمات الأخيرة بينهم. 

شريفة ماهر عن علاقتها بأبنائها 

أعربت شريفة ماهر عن غضبها الشديد من أبنائها، وكشفت تفاصيل صادمة عن علاقتها بهم، قائلة: حسبي الله ونعم الوكيل في ولادي التلاتة واحد منهم مات هياخد جزاءه من ربنا ومش راضية عنهم وبنتي واخدة أخر شقا عمري وقلبها صخر، أنا كنت مديهم قبل أي حاجة. 

وتابعت شريفة ماهر: ابني واخد 4 شقق وشقتي الإيجار إبني التاني رماني وخدها وهي بتاعتي مش باسمه، وجوزي قالهالي ابنك هيقعلك هدومك. 

شريفة ماهر: ابني خد شقتي ورماني 

وأردفت: وشريف ابني بقوله عايزة أروح أقعد في شقتي قالي هنبتدي بقى القرف والخناق. 

شريفة ماهر: أمي ماتت في حضني وكان عينيا ليها 

واستكملت كلامها: نيفين أكتر واحدة في حياتها شالتني وكل واحد عندها بنت هيشوفوا.

واختتمت كلامها: ممكن أسامح ابني لكن شريف مش عايزة أعرفه، امي ماتت في حضني وقبل ما تموت قالتلي ربنا يحببك فيكي ولادك ويحبب فيكي الناس، عينيا الاتنين كانت ليها.

وقد تطرقت شريفة للحديث عن التمر الذي حل بالفنانة ميرفت أمين، قائلة: “ميرفت أمين من أحسن الناس في مصر وأخلاق الدنيا فيها، ليه أجرحها وأقول تجاعيد والكلام ده واحدة رايحة تعزي هتعمل مكياج يعني؟.. عيب الكلام بتاعنا ده وهي زي القمر ومكبرتش”.

معلومات عن شريفة ماهر 

اسمها بالكامل شريفة ماهر الكفراوي مغنية وممثلة مصرية، ولدت في 30 سبتمبر عام 1932 تبلغ من العمر 89 عام، ولدت في حي حلوان بمصر. 
عملت شريفة في المسرح والسينما والتلفزيون، حصلت على شهادة من المدارس الفرنسية، لمعت في أدوار الفتاة القوية الشخصية في السينما. 
ومن أشهر أعمالها في السينما فيلم كرامة زوجتي من إخراج فطين عبد الوهاب، وأشهر أعمالها في التلفزيون ساعة لكل الناس، من إخراج سعيد الرشيدي ولحيم إمرأة.

تزوجت المغنية والممثلة شريفة ماهر وأنجبت ابنها الممثل "طارق عبد الواحد"، وأنتجت من أجله سهرة تلفزيونية من أجل أن تتيح له العمل في المجال الفني، وأبناءها الآخرين هم شريف، ناهد، رمزي.