ابني مبيدورش غير على الرحمة وهاجر وسابنا بسببكم.. هكذا دعم هشام سليم ابنه المتحول

رحل عن عالمنا منذ قليل الفنان الكبير هشام سليم بعد صراع مع مرض السرطان، ولكن بعد وفاته مباشرة بدأ عدد كبير من الجمهور يتسائل حول نجله نور، وعن إمكانية حضوره جنازة والده الذي ضحى وخرج للجمهور بكامل قوته ليدعمه رغم كل الإنتقادات الذي قدمها له.

تحيا مصر يرصد في ذلك التقرير القصة الكاملة لـ أزمة هشام سليم ونجله

علاقة هشام سليم بـ ابنه نور

هشام سليم وابنه نور بيربطهم علاقة وطيدة للغاية، في الأصل هي ابنته نور ولكن يظهر عليها بعض ملامح الرجال واللي طلعوا وقالو إنها تعاني من مشكلة في الهرمونات، وبدأ يظهر ابن هشام سليم للجمهور كرجل عادي بدعم من والده وبدأ الجمهور يدعمه اعتقادا منهم أن ما يعاني منهم ابن هشام سليم مرض، وكان هشام سليم في ذلك الوقت صديق واب مثالي لنجله أو نجلته سابقا.

ابنة هشام سليم يخرج عن صمته ويعلن تحوله جنسيا 

في يونيو 2020، خرج نجل هشام سليم بشكل مفاجيء وخرج عن صمته وسره الذي أخفاه منذ سنوات وذلك بعد انتحار صديقته سارة حجازي، ليعلن عن تحوله جنسيا، فقال في فيديو نشره عبر حسابه الرسمي عبر فيسبوك: ""اللى راضي بيا ومش راضي بملك الكاشف يبقي منافق، اللى راضي بيا ومش راضي بسارة حجازي يبقي منافق، واللى هيجي يقول لا أصل دا الدين ودا الإسلام، لا دا دينك انت وحياتك انت، وبراحتك تفكر بطريقتك بس متفرضش دينك عليا أو على سارة أو على ملك.. فين الإنسانية يا جماعة، اللى هيجي يقول لا أصل انت عادى بس المثليين والمثليات حرام".

وتابع حديثه معلنا تحوله: " هقولكم حاجة أنا مكنش في خلل هرموني، ولا كان في حاجة، دا مكنش تصحيح، دا كان تحويل، فا انا قدام ربنا اللى عملته دا غلط، بس انتو كلكم ماشيين حبيبي يا نور وأنت زي القمر وعيش مبسوط، بس سارة حجازي ماتت بس أحسن وإن شاء الله الدود يأكلك، "هتقولوا عليا كدا لما اموت؟ عادي مش فارقلي، بس لو انت بتشرب وبتزني وبتحشش، أنا زي زي سارة حجازي، واللى مش راضي بيها مش راضي بيا، واللى مش راضي بيها مش عاوزة عندي".

واختتمت: “احنا بني أدمين يا جماعة، الجريمة بتاعتها ايه؟ انها بتحب البنات؟ انتو مش ملائكة علشان ترحموا الناس، فهموني أو فهموا نفسكم، أنا مش عارف انتو ليه بتدعموني ومش بتدعموا الناس التانية، أنا مش فاهم ليه الدعم دا كله ليا، المثلية مش بمزاجنا وإحنا مش هنختار نعتذب”.

هشام سليم يتعرض للانتقادات بسبب نجله وتعليق صادم من الأخير

لم تمر جملة نور هشام سليم بتحوله جنسيا مرور الكرام على الجمهور رغم التصريحات الأخرى التي تحدث عنها، وبدأ الجمهور يعرب عن عضبه منه ومن هشام سليم نفسه، وبدأو يطالبون الفنان الذين يتخذونه المثل الأعلى بالرد، فخرج هشام سليم في برنامج et بالعربي: “أنا شايف إنها شجاعة منه إنه بيحاول يفهم الناس الحقيقة ومبيحاولش يستخبى ورا أي ستار، وأنا مقولتش كلام مختلف، أنا مابشوفش الحاجات دي، ومش بقرأ الحاجات دي، لكن في ناس كلموني وقالولي، فعلا مش عارف قال تحول أو تعمد مش عارف، ولكن أنا من البداية قولتله إنت داخل على مرحلة جديدة جدًا وخطرة جدًا، مش عاوز أقوله هو غلطان أنه بيقول الصراحة لأن مع الأسف أنا متربي على كده، الناس بتقول عليه إنه ميعرفش ربنا وأن ربنا هيحرقه، إبني مابيدورش غير على كلمة واحدة اللي هي الرحمة، إرحموه عاوز الرحمة علشان يعرف يعيش”.

نور هشام سليم يلتزم الصمت في وفاة والده

ورغم خروج هشام سليم ومدافعته عن نجله، إلا أن نور ابنه تصرف تصرف غريب بعد وفاة والده، حيث التزم الصمت حتى الأن ولم يخرج بنعي واحد على صفحته بمواقع التواصل الإجتماعي يعرب فيها عن حزنه لوفاة والده، لطالما خالف الجمهور المصري كله لأجله.