جسمك مفيهوش أنوثة|هند:"جوزي بيخوني عشان رفيعة ومش ببسطه في السرير".. قصة مأساوية

" بيقولي جسمك مفيهوش أنوثة وبتفكريني بواحد صاحبي " .. بتلك الكلمات روت هند لـ تحيا مصر عن معاناتها مع زوجها الذي أعتاد التنمر علي جسدها النحيف وخيانتها مع سيدات ذو وزن زائد عنها ليشعر معهن بالدلع الأنثوي الذي يشتهيه أي رجل في زوجته .

سيدة أمام محكمة الأسرة: جوزي قالي مش هأكلك أنتي وعيالك غير لو أتنازلتيلي عن ورث أمك

زوج أمام محكمة الأسرة : طليقتي أستغلت نفقة أولادي وأتجوزت بيهم عرفي من ورايا

مكنش معترض علي جسمي أيام الخطوبة 
 

بدأت هند حديثها لتحيا مصر :"جوزي أتعرف عليا في البداية وأنا علي جسمي ده، وكان معجب بيا جدا وبيقولي أنتي رياضية ومهتمة بجسمك ومختلفة عن البنات اللي بتاكل كتير ويهملوا جسمهم , كنت بفرح بكلامه وبقول أخيرا لقيت شخص يتقبلني زي ما انا، لأني أتعرضت لتنمر كتير في حياتي من أهلي وزمايلي وكمان الناس في الشارع  كنت بسمع كلام كتير صعب زي " خلة السنان " و " عود القصب " وكنت بكتم في نفسي وأتحمل لحد ما وصلت لمرحلة أني خلاص أتعودت علي كلامهم وسخريتهم مني , حاولت كتير أزود من وزني بمساعدة والدتي  اللي كانت بتقولي " لازم تتخني عشان نلاقيلك عريس " روحت لدكاترة نحافة كتير ولكن كل ده كان بدون فايدة لأن طبيعة جسمي كدة في الأساس وصعب تتغير ".

أتغير عليا بعد الخلفة  
 

وتابعت :" جه طلب أيدي من أهلي ووافقت حسيت بالفخر قدام أهلي أني قدرت اوقع راجل في حبي بعد ما كانوا بيتحدوني و يقولولي " مش هنلاقيلك جوازة بجسمك ده " أتخطبنا وبعدين أتجوزنا وكنا بنكن لبعض مشاعر جميلة و متبادلة ولكن أتحولت كلها بعد الخلفة الأولي أكتشفت أن طبيعة جسمي بتزداد نحافة بعد الخلفة والرضاعة ، وده اللي صدم جوزي فيا وغيره ناحيتي وحوله من شخص معجب بيا وبرشاقتي  لشخص بيقرف يبص عليا وعلي جسمي ".

خانني مع ستات جسمها مليان وهجرني  
 

وأستكملت :" واجهت جوزي بمعاملته الغريبة معايا اللي بقيت ملحوظة بشكل كبير خصوصا أن بقي يعدي شهور ميلمسنيش فيها ولا يقرب مني  وكانت الصدمة أنه قالي " أنتي مبقيتيش تعجبيني ،كنت فاكر جسمك هيزيد بعد الخلفة والرضاعة وأتجوزتك علي الأساس ده لكن محصلش كدة بقيت  أحس أني عايش مع واحد صاحبي  مش مع مراتي اللي المفروض تحسسني بدلعها وأنوثتها زي اللي عند بقية الستات " بعد كلامه ليا دخلت في حالة أكتئاب مكنتش عارفة أطلع منها أزاي، واللي زود وجعي أني عرفت وشوفت علي تليفونه أنه بقي بيخوني مع ستات كتير عشان يعوض معاهم اللي ناقص عندي  مبقيتش عارفة أعمل أية ولا أروح لمين عايش مع جوزي مقهورة ومكروهة  وبروح لأهلي ببقي شايفة الشفقة في عنيهم وعشان كدة كل اللي كان في أيدي أعمله أني ألجأ للمحكمة والقانون عشان أرفع علي دعوي طلاق للضر عشان أنفصل عنه وأرتاح من كل كلمة أذاني بيها ".