زوج أمام محكمة الأسرة : طليقتي أستغلت نفقة أولادي وأتجوزت بيهم عرفي من ورايا

"كنت بشيل جزء من مرتبي كل شهر عشان مخليش ولادي محتاجين حاجة، وفي الاخر عرفت أن فلوسي بتتصرف علي زوج طليقتي اللي أتجوزته عرفي وعيشته في بيتي".. بتلك الكلمات روي الزوج لـ تحيا مصر عن صدمته حين أكتشف الخدعة التي وهمته بها طليقته، مستغلة حقها في نفقة أولادها بالقانون. 

تحيا مصر

زوج يستغيث من داخل محكمة الأسرة: مراتي مريضة نفسيا وبتحطلي حبوب هلوسة في الشاي

مأساة زوجة من أمام محكمة الأسرة: جوزي عنده ميول جنسي و بيحب البنات الصغيرة

كنت بعاملها بما يرضي الله 

بدأ الزوج حديثه لتحيا مصر:"أختلفنا أنا وزوجتي لأسباب بتحصل بين أي أزواج في الدنيا وممكن تعدي والمركب تمشي،لكن أتفاجأت أنها بتطلب الطلاق ومش باقية علي العشرة بيني وبينها ولا باقية علي أن في بيننا عيال ومحتاجين نربيهم سوا، وأنا عشان وعدتها هي وأهلها من أول يوم جواز أني هعاملها بما يرضي الله، نفذتلها طلبها في أنها تنفصل عني و تم طلاقنا، وكل واحد فينا راح لحاله". 

كانت بتتحجج بالأولاد عشان  الفلوس 

وأستكمل الزوج حديثه:"بعد الطلاق كنت بلاقيها كل كام يوم تطلعلي بحجة جديدة عشان تاخد مني فلوس، مرة العيال تعبانين ومرة العيال عايزين دروس خصوصية ومرة نفسهم يسافروا وينبسطوا زي أصحابهم، وأنا عشان بحب عيالي ومقدرش أشوفهم نفسهم في حاجة, كنت بلبيلهم طلباتهم وأحتياجاتهم أول بأول، وعشان كمان كنت بقول لنفسي أنهم كفاية أتحرموا من انهم يعيشوا وسط أب وأم، مش هقدر كمان أحرمهم من أنهم يعيشوا ويجيبوا كل اللي نفسهم فيه".

فلوسي كلها طلعت بتتصرف علي راجل تاني

وأختتم الزوج حديثه:"في يوم كنت قاعد بتكلم مع أولادي في الرؤية، والأولاد عشان صغيريين وقعوا بلسانهم وقالولي أن أمهم أتجوزت من راجل غريب وأجبرتهم أن محدش منهم يقولي، وأنهم  مش مرتاحين للوضع ونفسهم أني أرجع أعيش معاهم زي زمان، ساعتها تظاهرت قدام أولادي  بالهدوء عشان ملهمش ذنب في حاجة، وأستنيت لحد ما قابلتها وواجهتها بكل اللي أنا عرفته، وهي عشان أتحطت قدام الأمر الواقع مقدرتش تنكر، وقالتلي أنها كانت خايفة تتجوز رسمي عشان ماخدش منها  العيال، وأضطرت تتجوز عرفي عشان تبقي ضمنت العيال والفلوس و الشقة وفي نفس الوقت تبقي قدرت تعيش مع شخص تاني وتكمل حياتها معاه، حاولت اتمالك صدمتي فيها وفي أنانيتها، ولجأت للمحكمة والقانون عشان أعمل دعوي أستئناف نفقة، بحيث أني أقلل المبلغ اللي أتعودت تاخده مني و ميكونش في جنيه زيادة يتصرف غير علي أحتياجات أولادي".