مأساة زوجة من أمام محكمة الأسرة: جوزي عنده ميول جنسي و بيحب البنات الصغيرة

" بحس أني مراته علي الورق وبيحكيلي عن نزواته من غير خوف علي مشاعري" بتلك الكلمات روت سيدة ل تحيا مصر تفاصيل معاناتها مع زوجها الذي يعاني من ميول جنسية تجاه الفتيات القاصر، مما وضعني في مواقف محرجة أمام الجميع ومن ضمنهم أسرتي , حتي قررت أرفع عليه دعوي طلاق للضرر لأحافظ علي المتبقي من كرامتي التي أهدرتها في العيش معه ".

خلع ملابسي وقطع جسمي بالكتر.. مأساة زوجة من أمام محكمة الأسرة بزنانيري

مراته طلقته وأتجوزت غيره عشان مرض السرطان.. مأساة زوج أمام محكمة الأسرة

بيحس بشبابه مع البنات الصغيرة 

بدأت الزوجة حديثها لتحيا مصر :" أنا وجوزي حياتنا بقيت روتينية وتقليدية لأبعد حد من المسؤوليات اللي علينا وضغوطات الحياة، وده خلاه عايز يرجع يحس بشبابه وأنه مرغوب فيه، وعشان كدة بدأ يدور علي علاقات مع بنات صغير ميتخطاش عمرهم الـ سنة 19، من خلال النت أو بنات من الشارع عندنا أو بنات تبع صحابه، حاولت كتير أحسسه بده عشان ده دوري أني أسعده كزوجة، وكمان عشان مديلوش الفرصة أنه يبص لواحدة غيري، لكن محاولاتي كلها كانت بتنتهي بالفشل".

البنات بتيجي تشتكيلي

وتابعت الزوجة :" كذا مرة ألاقي بنات يجيبوا رقمي ويتصلوا بيا، هما أو حد من أهلهم ويقولولي لمي جوزك وألا هنفضحهولك في كل حتة وهتبقي سيرتكم علي كل لسان، و كنت دايما بعدي كل موقف بتعرضله زي كدة، كنت بسأل نفسي أنا أية ذنبي عشان أسمع كلام وإهانة زي كدة وأنا جوزي هو اللي أولي يسمع مش انا، علي أمل أنه يتعظ، لكن في كل مرة مكنتش بلاقي علي لسانة غير كلمة واحدة وهي " كبري دماغك".

طلقوني منه 

وأختتمت الزوجة :"  عايزة أطلق، بقيت حاسة أني عايشة من غير كرامة، كل مرة كان بيغلط فيها مع بنت من دور أخواته الصغيرين، كان بيرجع يحكيلي عنها وعن جمالها، كأني واحد صاحبته مش مراته، بقيت مفتقدة أحس بأنوثتي مع راجل يقدرني وأملي عينه واعيش معاه من غير فضايح، خلاص حياتي معاه انتهت ".