مراته طلقته وأتجوزت غيره عشان مرض السرطان.. مأساة زوج أمام محكمة الأسرة

"حبيتها وأتنازلتلها عن كل أملاكي وفي الأخر باعتني بسبب مرضي ".. بتلك الكلمات روي زوج لتحيا مصر كيف غدرت به زوجته وطلقته بسبب مرضه وسارعت بالزواج من رجل اخر ، تركت من خلفها العِشرة، والحب والحنية حين أنتشلها من فقرها وتنازل لها عن كافة أملاكه ".

زوج في محكمة الأسرة: مراتي عايرتني بضعفي المادي وخانتني مع راجل خليجي

اتهمني بالزنا..سيدة لمحكمة الأسرة: جوزي اتفق مع صاحبه يغتصبني وانا بقميص النوم

حبيتها من أول نظرة 

بدأ الزوج حديثه لتحيا مصر :" أنا كنت صاحب شركة كبيرة وعندي أملاك وعقارات , شوفت زوجتي  أول مرة كانت جاية تقدم علي وظيفة , وكان ليها وجه وملامح تشبه الملايكة , حبيتها من أول نظرة وقررت أوظفها من أول يوم , ولما ربطنا شغل وتعامل يومي , بدأت أتعلق بيها يوم بعد التاني , وهي كمان كانت بتبادلني نفس الشعور , وفي مرة قررت أطلب أيديها للجواز بس كنت قلقان ترفضني , لكن اللي حصل أنها بمجرد ما سمعت طلبي كانت الفرحة مش سايعاها ووافقت في الحال ".

العصمة في يد الزوجة
 

واستكمل الزوج :" قبل فرحنا بأيام قالتلي لو بتحبني حط العصمة في أيدي عشان أبقي مطمنة وأنا معاك أنك مش هتتخلي عني بسهولة , وأنا من حبي ليها قولتلها كل املاكي هتبقي بأسمك أنتي مش العصمة بس , وبالفعل اللي وعدتها بيه نفذته وعيشنا أول كام سنة بعد الجواز ولا أكننا في الجنة , لحد ما جالي الخبر المفجع من الدكتور بتاعي أن جالي السرطان , بعدها كل حاجة اتغيرت ".

ظهرت علي حقيقتها بعد مرضي 
 

وتابع الزوج :" صارحت زوجتي بالمرض اللي جالي وطلبت منها تقف جنبي عشان مليش غيرها يسندني ويتحملني , سافرت أتعالج برة و هي كانت معايا وأكتشفت أن مفيش فايدة ولا في أمل في علاجي , كانت معاملتها بتتغير معايا يوم عن يوم , وكنت بلتمسلها العذر وبقول هي برضه لسة شابة وصغيرة وأنا مبهدلها معايا عند الدكاترة والمستشفيات , لكني كنت مغفل لأن اللي كان في نيتها واللي كانت بتخطلله صدمني فيها صدمة عمري ".

بعتتلي ورقة طلاقي وأتجوزت راجل غيري 
 

وأختتم الزوج :" في يوم كنت تعبان وراقد في البيت ولقيت واحد بيخبط عليا و بيديني ورقة , ولما فتحتها لقيتها ورقة طلاقي من أكتر أنسانة حبيتها في حياتي وحطيت فيها ثقة عمري كله , وبعد أكتمال شهور العدة جالي الخبر الأصعب وهو خبر جوازها من راجل تاني , تصرف عليه فلوسي وممتلكاتي اللي أنا كنت سايبهالها , نسيت كل جمايلي عليها ونسيت أني حولتها من أنسانة عايشة في أحياء شعبية وبتدور علي شغل , لهانم عايشة في قصر وعندها شركات , في الأخر رميتني بعاني من مرضي لوحدي ومعيش حتي تمن أيجار شقة أقدر أقعد فيها ".