اتهمني بالزنا..سيدة لمحكمة الأسرة: جوزي اتفق مع صاحبه يغتصبني وانا بقميص النوم

"بعتلي صاحبه يعتدي عليا الساعة 3 الفجر عشان يطلقني و مطولش منه حقوقي".. بتلك الكلمات روت سيدة لـ تحيا مصر كيف غدر بها زوجها و سلمها لصديقه ليتمكن من تطليقها بدون حقوق وليحلو له الوقت مع زوجته الجديدة.

زوجة من محكمة الأسرة : جوزي بيخوني مع سلفتي وضبطهم على السرير بدون ملابس

بنتي ماتت بسببه..منار لـ محكمة الأسرة: جوزي بخيل وكان بيخبي الأكل في الدولاب

متزوجين من 20 عاما وعندي 7 أطفال 

بدأت السيدة تروي مأساتها مع زوجها الخائن قائلة:" أتجوزنا عن حب من 20 سنة، وربنا رزقنا خلالها بـ 7 أطفال، وكانت الناس كلها بتحسدنا علي حياتنا الهادية والمستقرة, لكن في الفترة الأخيرة كانت بدأ اسلوبه معايا يتغير و كان بيسيبنا انا و عيالي و يبات برة بالأيام علي أساس أن عنده شغل وأنا كنت مغفلة و بصدق كل مرة كان بيكدب عليا فيها, حياتي كلها كانت ليه هو وعيالي ومكنتش عايزة اي حاجة من الدنيا غير أننا نكون مبسوطين ونكمل مع بعض العمر كله". 

صاحب جوزي يطرق على الباب في منتصف الليل 

وأستكملت:"في مرة كنا نايمين في البيت وكانت الساعة 3 الفجر وهو كان قايلي أنه هيبات في الشغل و هيرجع الصبح, لقيت الباب بيخبط وأفتكرته هو وفتحت الباب وأنا بقميص النوم, لقيت راجل غريب قدامي أتهجم عليا ودخلني الشقة و قفل عليا الباب عشان محدش من الجيران يسمع صوتنا, أعتدي عليا وقطع هدومي كلها وبعها بدقايق لقيت جوزي بيفتح باب الشقة و شاف كل حاجة بعينه ". 

 متجوز عليا في السر 

وتابعت :"جريت عليه وانا هدومي كلها متقطعة وكنت فاكراه هيجيبلي حقي من الشخص ده ويحميني منه, وكانت المفاجأة أنه طلع صاحبه و كانوا متفقين علي كل ده مع بعض, عشان لما يطلقني ميدينيش حقوقي, وعشان يروقله الجو مع مراته الجديدة، وبعد مرور أيام أكتشفت أنه متجوزها من فترة وانا علي ذمته من غير ماعرف, في اللحظة دي صاحبه هرب و خدني وأنا علي نفس الوضع وجري بيا علي القسم عشان يعملي محضر يتهمني فيه بالخيانة, وأنا مكنش في أيدي حاجة أعملها غير أني أتغلب علي صدمتي وأرفع عليه دعوي طلاق للضرر, لأني حتي لو أتخدعت فيه فأنا عندي منه 7 عيال ملهمش ذنب ف حاجة ولازم أقف علي رجلي من تاني و أنفصل عنه عشان أعيشلهم".