بنتي ماتت بسببه..منار لـ محكمة الأسرة: جوزي بخيل وكان بيخبي الأكل في الدولاب

«كنت عارفة أنه متزوج ومعاه أطفال، تسلل الشك في قلبي أنه سوف يتركني مع أول مولود كما فعل مع زوجاته، ولكن حُبي له طغى على تفكيري»، بتلك الكلمات بدأت منار حديثها لـ تحيا مصر، والدموع تنهمر من عينيها كيف ماتت أبنتها الرضيعة بسبب عدم تحمل زوجها مسؤلية علاجها، و كيف خانها ودبر للزواج عليها لحزنها علي فراق أبنتها وأبتعادها عنه، مكتشفة خيانته من غسالة الملابس؟.

زوجة في محكمة الأسرة: جوزي حرامي وبيحب الستات العجوزة

زوجة في محكمة الأسرة: جوز بنتي الأستروكس لحس مخه وعايز يبيع الشقة

كان متجوز أتنين قبلي واللي بتحمل منه بيطلقها 

بدأت منار في سرد تفاصيل حياتها مع زوجها الخائن قائلة:" أتجوزته عن حب من 10 سنين ولما أتقدملي في البداية كنت خايفة منه عشان كنت عارفة انها مش أول جوزاة ليه وأنه مطلق مرتين قبلي، بس هو ساعتها طمني ووعدني أنه هيحطني في عنيه، وخصوصا أن والدتي الله يرحمها كان بيعملها ألف حساب وكان بيخاف يزعلني عشان كان عارف أنها هتجيبلي حقي منه لانها كانت ست قوية ". 

أكتشفت أنه بخيل بعد الجواز  

وتابعت منار :"كان كريم جدا معايا في أول الجواز لحد ما حملت في أول بنت، وأكتشفت بعد ما ولدتها أن عندها مرض خطير وكان علاجه محتاج تكلفة للعلاج عالية جدا، ولما طلبت منه أنه يدخلها مستشفي خاص عشان يهتموا بيها لأنها كانت لسة رضيعة، قالي دخليها أي مستشفي حكومي وخلاص أنا مش هدفع عشانها كل ده، بعد شهور معدودة البنت ماتت و قلبي أتقهر عليها". 

محسش بوجعي علي فراق بنتي وراح أتجوز عليا 

وأكملت:"بعد ما بنتي ماتت بعدت عن جوزي وأهملته وبطلت أديله حقوقه الزوجية لأني كنت شايفة أن هو السبب أن بنتي تروح مني وأنا لسة ملحقتش أتهني بيها، بدأ يشوفني نكدية و يغيب عن البيت بالساعات، وفي مرة بالصدفة كنت بغسل هدومه في الغسالة ولقيت في جيب بنطلونه كروت لمحلات سجاجيد ومفروشات وده خلاني بدأت أشك أنه بيجهز لجوازة تانية عليا، وبالفعل لما واجهته أعترف أنه جايب شقة في أكتوبر و بيجهزها للعروسة الجديدة".

 رماني في الشارع الساعة 3 الفجر 

وأستكملت:"عدت السنين وأنجبت  منه بنتين "كندا و كارما"، وفي يوم جالي خبر وفاة امي, وكانت خسارتها صعبة عليا خصوصا أن كانت هي اللي بتحميني منه، وأتفاجئ أنه بدل ما يقف جنبي ويعوضني عن غيابها طلب مني ورث والدتي، ولما رفضت حبسني في الشقة أنا وعيالي 3 ايام من غير أكل ولا شرب عشان أنفذله طلبه، ولما لقاني مصممة علي موقفي أتهجم عليا الساعة 3 الفجر طردني من الشقة أنا وأطفالي" .

وطالبت، أنا عايزة أرجع شقتي تاني عشان أعرف أربي عيالي فيها وأكون حاضنة ليهم ويبعتلي  نفقتي .