"مفيش حد يبقى عنده ولاد زيكم وينام فقير".. أحمد سعد يوجه رسالة لأبنائه

وجه المطرب أحمد سعد رسالة لأبنائه يشيد بوجودهم في حياته، وذلك عبر حسابه الرسمي بموقع تبادل الصور والفيديوهات انستجرام، داعيا لهم أن يظلوا بجانبهم طوال حياته.

تحيا مصر يرصد في ذلك التقرير رسالة أحمد سعد لـ أبنائه

رسالة أحمد سعد لـ أبنائه

نشر أحمد سعد صورة تجمعه بابنته وابنه، وعلق عليها: "اولادي احبابي اصحابي انا فخور بيكو جدا.. وبحبكم جدا جدا يا مصدر الهامي .
الكون كله شايف انكو اولادي.. وانا شايف الكون فيكو.. وطبعا مش هنجيب سيره لولا الصغيره.. عشان دي نعملها قريبا بوست لوحدها.. يا رب يخليكو مفيش حد عنده اولاد ذيكم ويبات يوم فقير".

أحمد سعد يحتفل بـ عيد ميلاده مع إسعاد يونس

من ناحية أخرى، يحتفل الفنان أحمد سعد بعيد ميلاده في استدويو صاحبة السعادة، مع الإعلامية الشهيرة إسعاد يونس، وذلك في الحلقة التي من المقرر أن تذاع اليوم ويكشف من خلالها أسرار في حياته الشخصية والفنية، ومن المقرر أن يغني خلالها باقة من أغنياته الشهيرة والتي من بينها: “اي اليوم الحلو ده”  و “وسع وسع”، وغيرها من الأغنيات المميزة، وتكون زوجته هي مفاجئة الحلقة له.

أخر أعمال أحمد سعد

ويذكر أن أخر أعمال المطرب أحمد سعد، جاءت بعنوان ع الجرار، والتي أتت كلماتها: "وعز علينا فراق الأحبه و زرنا الأطبه ماحد دوانا .. و كنا معاهم و كانوا معانا و ايه وداهم و ايه خلانا .. واحشني اللمه و حضنك يامه .. ده بُعدك غمه و قلبي اتغمى .. يا عشره و جيره يا صحبه جميله .. حظوظنا قليله ف دنيا بخيله.. ترتيبه عجيبه لعبه واحنا فيها مش لعيبه.. تغريبه دنيا غريبه عيشه ولا تذنيبه .. وع الجرار الأيام عدوا و ع الجرار عدوا.. و عالم بيا ربي وحده و ع الجرار عدوا.. قلبي بطوله عايشها لوحده و ع الجرار عدوا.. وموجه تجيبه و موجه بتاخده و ع الجرار عدوا.. مدد يا سيد وأصلي و أعيَد و فرحان قلبي حر و مش متقيد.. مدد يا سيده شموعك قايده و نظره يا طاهره يا بدر السهره.. و فين قعدتنا و فين قهوتنا و عشرة طاوله و جوله ف جوله”.