هطلق من جوزي وأنتي أولى بيه..سيدة تروي مأساتها مع ضرتها : بتعمل سحر وشعوذة

" أنا وضرتي كنا أكتر من أخوات وفي الأخر حبستني عشان شقة".. بتلك الكلمات روت سيدة لـ تحيا مصر، كيف تم خداعها من ضرتها التي قامت بحبسها زور لمدة 11 شهر؟.

زوج في محكمة الأسرة: مراتي عايرتني بضعفي المادي وخانتني مع راجل خليجي

بنتي ماتت بسببه..منار لـ محكمة الأسرة: جوزي بخيل وكان بيخبي الأكل في الدولاب

انا وضرتي كنا أصدقاء وأكتر من اخوات 

بدأت الزوجة حديثها لـ تحيا مصر:"أنا عندي 40 سنة و مطلقة، بسبب خلافات زوجية وعندي ولد وبنت، ومعاية جارة في نفس العمارة أكبر مني بحوالي20 سنة، بس أنا وهي عشان العشرة اللي بيننا وأحنا ساكنين في عمارة واحدة، كنت بعتبرها صديقة وأكتر من اخت كمان، وهي كانت جدعة وطيبة جدا معايا وعمري ما شوفت منها حاجة وحشة".

قالتلي أنا هتطلق من جوزي وأنتي أولي بيه

وتابعت:"فجأة بعد ما كانت جارتي دي بتحكيلي أنها سعيدة مع جوزها ومعاها بنت عندها 13 سنة، و كانت هي اللي مزينة حياتهم، ألاقيها فجأة بتحكيلي انها عايزة تطلق منه عشان كبرت في السن ومبقيتش قادرة علي خدمته،وخصوصا أنه أصغر منها بـ 5 سنين، وكانت بتطلب مني كمان أني أوافق أكون مكانها وأقبل أتجوزه، لأن زي ما هو هيكون محتاجلي أنا كمان هكون محتجاله بعد ما جوزي الأولاني طلقني وسابلي طفلين، وبالفعل رغم ان الصدمة خدتني في البداية إلا أن كل شئ تم زي ما هي كانت مرتبة و مخططة بالظبط".

بعد ما الزوج مات كل حاجة أتغيرت 

وأستكملت الزوجة:"و بعد ما بقينا ضراير المعاملة بيننا مبقيتش زي زمان، واللي أكتشفته بعد ما أتجوزت جوزها انها ليها في الأعمال والسحر والدجل، بس كانت مخبية عليا عشان مخافش منها، وأنا للأسف عرفت ده متأخر، وفي مرة صحيت من النوم لقيت جوزي مرمي جمبي علي السرير مش بينطق ولا بيتحرك، جريت بيه علي المستشفي، وهناك عرفنا انه مات بإنسداد في كل أوردة القلب رغم انه صحته كانت في أحسن حال ومش بيشرب حتي سجاير، الحيلاة هنا بدأت تدخل قلبي و الشك دائماً يراودني انها تكون عملتله عمل يجيبله المرض ده اللس تسبب في وفاتة".

ضرتي أتسببت في حبسي 11 شهر ظلم 

وأختتمت الزوجة :" بعد ما بدأنا نفوق من خبر وفات جوزي الثاني، أتفاجأت بأتصال من شخص بيبلغني فيه أني مرفوع عليا قضيتين بـ 4 إصالات أمانة و الحكم في كل قضية منهم بـ 3 سنين سجن، ولما دورت ورا الموضوع عشان أفهم أزاي ده حصل، أكتشفت أن بعد وفاة زوجي ضرتي أتفقت مع واحد كانت متجوزاه عرفي زمان أنهم يطلعوني نصابة و يحبسوني عشان يلهفوا الشقة اللي كان سايبهالي جوزي، واللي هي طمعت فيها بعد ما كانت هي بنفسها بتقولي أتجوزيه أنا مبقيتش عايزاه، أتسجنت ظلم بسببها 11 شهر وبتوكيل محامي تم أثبات براءتي، ورئيس المحكمة أوقف تنفيذ الحكم، بعد إثبات أن كل الإيصالات دي مزورة، و أن الأمضة اللي فيها مش بتاعتي،ولما خرجت أتحكم علي ضرتي غيابي بـ 15 سنة سجن لأنها هربت ولحد انهاردة محدش يعرف عنها حاجة، وانا كل اللي بطالب بيه دلوقتي أني أضمن حقي في الورث اللي سابهولي زوجي، رفعت دعوى إعلام وراثة ومنتظرة تعويض عن الـ 11 شهر اللي أتحبستهم بسبب إيصالات الأمانة المزورة".