زوجة تطلب الطلاق: جوزي بيحب البنات زي عنيه وتركني علشان أنجبت ولد

«أتجوز عليا لما عرف أن اللي في بطني مش بنت».. تلك الكلمات روت سيدة لـ تحيا مصر صدمتها من زوجها الذي أوهمها بأنها ستكون الزوجة المفضلة لديه، وسرعان ما تزوج عليها هي أيضا, مثلما فعل مع زوجته الأولي التي انجب منها 6 أولاد، وكل هذا ليصل لهدفه و مصلحته بالنهاية  وهو أنجاب بنت تحمل أسمه. 

زوج في محكمة الأسرة: مراتي خلعتني واستولت على شقتي وشقى عمرى| فيديو

زوجة في محكمة الأسرة: جوز بنتي الأستروكس لحس مخه وعايز يبيع الشقة

كلامه الحلو هو اللي وقعني في حبه 

بدأت الزوجة تسرد تفاصيل قصتها مع زوجها قائلة:" هو جاري في المنطقة وفي الرايحة و الجاية كان بيقولي كلام حلو يدخل قلب أي واحدة، وأحيانا كان يبعتلي مع صاحباتي لما كنت أرفض الكلام معاه عشان هو في نظري راجل متجوز, بس مرة في التانية وافقت أننا نقرب ونتعرف علي بعض وقالي أنتي هيبقي ليكي مكان في قلبي خاص بيكي بعيد عن مراتي الأولانية ، وعندي أمل في ربنا ثم فيكي أنك تجيبيلي البنت اللي هي مقدرتش تجيبهالي ".

أول ما عرف ان اللي بطني ولد أتجوز عليا 

وتابعت الزوجة :" أتجوزنا وحملت منه وبعد شهور معدودة روحنا كشفنا عند الدكتور وجالنا الخبر أن اللي في بطني مش بنت زي ما هو عايز، ومنذ تلك اللحظة وأسلوبة أتغير معايا وبطل يصرف عليا رغم أنه معاه فلوس وأملاك تعيش بلد، وعرفت بعدها أنه بيجهز لجوازة تالتة و كنت أنا حتي لسة مولدتش أبني اللي في بطني ". 

أبني ملوش ذنب في كل اللي جرالي 

وأختتمت الزوجة باكية :" أنا مش مصدقة أن هو ده نفس الشخص اللي حبيته في البداية، و كان مستعد يعمل أي حاجة عشاني، كنت فاكرة أنه متجوزني عشان حبني و طلع واخدني مصلحة عشان يرضي نفسه, وبعد ما ضحك عليه راح ولف علي غيري, ولحد أنهاردة معرفش ذنبي أية ومعرفش مصير أبني منه هيكون أية، انا مش بطالب غير نفقة لأبني وأنه يسأل عليه ويبقي بينهم معاملة كويسة، عشان أبني يطلع سوي نفسيا وميترباش بعيد عن حضن أبوه ".