هشام ماجد: كنت خايف من مشهدي في "الاختيار2".. ولهذا السبب أحب الستينات

كشف الفنان هشام ماجد عن تفاصيل تجربته في مسلسل “الاختيار” في جزئه الثاني مع النجم كريم عبد العزيز وأحمد مكي، وذلك اليوم أثناء حلوله ضيف في برنامج “أسرار النجوم” الذي تقدمه الإعلامية إنجي علي، ويذاع على محطة راديو “نجوم إف إم”.

تحيا مصر يرصد أبرز تصريحات هشام ماجد عن مشهده في الاختيار 

حيث أعرب هشام ماجد عن سعادته بالمشاركة في المسلسل، حيث قال: “أنا انبسطت جدا بمشاركتي في الاختيار عشان كان دوري مفهوش كوميدي خالص ومختلف وضيف شرف ومع ناس بحبهم زي مكي وبيتر ميمي، فكان مشهد أنا حبيته جدا، وعملت بردو في فيلم حملة فريزر وتسليم أهالي أكشن كوميدي ودا أنا بحبه بردو”.

وتابع هشام ماجد قائلًا: “أنا لما بيتر ميمي كلمني على المشهد دا خوفت وقولتله يا بيتر أنت مكلمني ليه أنت عايز تبوظ المسلسل؟، يعني أنتو بتعملوا مسلسل وطني ومكلم ناس بتعمل كوميدي، مش خايف؟، قال لا تعالى فروحت قعدت معاه والحمد لله طلع المشهد بشكل كويس والناس اتبسطت بيه، بس هو طبعا مسئولية كبيرة”.

هشام ماجد: الكوميدي أصعب من الأكشن

كما أكد هشام ماجد على أنه كان يتمنى المشاركة في مسلسل “الاختيار” قبل عرض المشهد عليه، حيث قال: “وأنا بشوف أن الكوميدي أصعب، يعني أنا مثلت دا ومثلت دا وبشوف أن الكوميدي أصعب كتير أنما أنا انبسطت جدا بمشاركتي لأن أنا حتى الاختيار وأنا بتفرج عليه قبل ما اروح ضيف شرف كان نفسي أطلع فيه مشهد أو أعمل حاجة فيه، وكنت حابب التجربة دي وحابب أني ابقى موجود في عمل زي دا”.

حقبة زمنية يتمنى هشام ماجد الرجوع إليها

وأشار هشام ماجد لـ برنامج “أسرار النجوم” أن أكتر فترة زمنية يتمنى الرجوع إليها هي فترة الأبيض والاسود، حيث قال: “أكتر حقبة بحبها في تاريخ مصر فترة الخمسينيات والستينيات بتاعت الأبيض والأسود لما مصر كانت فاضية وهادية والجنيه كان أكتر من الدولار، والناس لذيذة ومحدش بيبص على حد ومفيش عقد، والفترة دي بصراحة الواحد بيتفرج على افلامها بيحس أن أحنا في مشكلة كبيرة دلوقتي، لأني بحس أن الناس زمان كانت ارقى بكتير والتعامل أحسن فنفسي نرجع للفترة دي”.