صلي الفجر وطلع خلص علي مراته .. أسرة ضحية دار السلام تروي تفاصيل مقتلها علي يد زوجها بسبب المصاريف

«كان معيشها في حرمان وكان بيخبي عنها الأكل في الدولاب ولما رفضت تديله من اللي معاها حاول يرميها من الدور الخامس».. كلمات أطلقتها أسرة ضحية دار السلام في بث مباشر لـ تحيا مصر وهم يروون كواليس مقتلها علي يد زوجها.

نزل البحر يستحمي من الحر مطلعش تاني.. زوجة عبدالله تروي تفاصيل غرقه بالشرقية

مرضيش يجوزه أخته فخلص عليه.. أسرة الشيخ أسامة تروي تفاصيل مقتله علي يد مدمن مخدرات بالصف| فيديو

وافقنا عليه عشان كان بيصلي ويعرف ربنا 

بدأت والدة المجني عليها:" المتهم جه اتقدم لبنتي من 8 سنين ولقيناه راجل كويس هو وأهله ويعرفوا ربنا وبنتي أطمنتلهم ووافقت علي الجوازة وكان شغال جزمجي وبيسترزق بالحلال ووعدنا أنه هيحطها في عينه وجابت منه ولد ووبنت وكانت كل حاجة في بداية الجواز كويسة، لحد ما خلفوا بنتهم الأولى، وبدأت معاها حقيقته تظهر وبخله ومعاملته الوحشة ليها".

مكنش بيديها تمن اللقمة اللي بتاكلها 

وأستكملت شقيقة الضحية:" كان بيخبي عن أختي وعيالها الأكل وفتحت مرة دولابه لقيته جايب كريب ومخبيه وخدته ونزلت وريتهولنا وقالتلنا ده يرضيكم وده أنا بشوف الأكل ده في الأفلام من الحرمان اللي معيشني فيه ولما أجوع أنا أوعيالي يقولنا روحوا جيبوا بسكوت تسدوا نفسكم بيه".

حاول مرة يرميها من الدور الخامس 

وتابعت شقيقتها:" كان واخد كل فلوسها أختي كانت شغالة في صالون حريمي وكان أي قرشين تطلع بيهم في اليوم ياخدهم منها غصب عنها، حتي لما جت تربي حمام وفكرت تبيع زغاليل كان بياخد منها تمن اللي هي باعته ولما رفضت مرة تديه من اللي معاها عشان تعرف تصرف علي بيتها وولادها ضربها وحاول يرميها من الدور الخامس ولو مكناش لحقناها كان زمانها مقتولة من ساعتها".

أخر مرة شوفناها كانت بتحضنا كلنا أكنها بتودعنا 

وقالت زوجة شقيق المتهم باكية :" أخر مرة شوفناها كنا في حنة أخوها وكنا فرحانين كلنا وهي كانت بتبوسنا وتحضنا كلنا أكنها عارفة انها أخر مرة هتشوفنا وهي كانت دايما تجري عليا أنا بالذات لأننا كنا أكتر من الأخوات ولما كانت تشتكيلي منه وتعيط من ضربه وإهانته ليها كنت أقولها كل المتجوزين بينهم مشاكل الدنيا بس أنتي أستحملي عشان عيالك وبيتك وهي من غلبها وخوفها منه كانت تستحمل وتسكت". 

بعد ما قتلها حاول ينتحر 

وأضافت:" يوم الواقعة المتهم صلي الفجر وطلع للمجني عليها ودخلوا في خناق سوا انتهي بإنه طعنها أكتر من طعنة ولما مماتتش دبحها وأخوه دخل عليه لما سمع صوت صراخ المجني عليها ولما شافه المتهم ضربه وقطع أيده عشان يبعد عنه وبعدها حاول يموت نفسه بالسكينة أو يرمي نفسه من البلكونة لكن أخوه كتفه بالملاية هو واتنين من ولاد عمه لحد ما جت الشرطة خدته".

القصاص من المتهم

وطالبت أسرة المجني عليها بالقصاص من المتهم وتوقيع أقصى عقوبة ضده، وهى الإعدام، لكي يرجع حق ابنتهم التي راحت ضحية لغدر وبخل وسوء معاملة زوجها، ولكي يرتاح قلبهم وكذلك هي في قبرها وأطفالها الصغار.

مجال الأمن العام

وفي مجال الأمن العام تم ضبط التشكيلات العصابية والقضايا المتنوعة عن ضبط 9 تشكيلات عصابية ضمت 36 متهم إعترفوا بإرتكاب 38 حوادث سرقات متنوعة، وضبط 134 قضية أحداث، وكشف غموض 87 حادث متنوع، أبرزهم حريق عمد – قتل – سرقة، وتم ضبط مرتكبيها بإجمالى 147 متهماً، وفى مجال تنفيذ الأحكام تم تنفيذ (381247) حكم قضائى ، وهي 1259حكم جناية، و144995 حكم حبس، و182033حكم غرامة، و52960 مخالفة.

قضايا النقل والمواصلات

نتائج الحملات في قضايا النقل والمواصلات، حيث تم ضبط 2 تشكيل عصابى، ضما 4 متهمين، إرتكبوا واقعتين سرقة، وضبط 1143 قضية متنوعة، أبرزها جرائم سرقات عامة - حيازة مواد مخدرة.

قضايا المصنفات

وفي مجال قضايا المصنفات تم ضبط 307 قضية فى مجال مكافحة جرائم المصنفات وحماية حقوق الملكية الفكرية منها 146 قضية، وفى مجال مكافحة جرائم المصنفات بمضبوطات بلغت 6 تمثلت فى هارد ديسك – مايك صوت – سماعة رأس، وكذلك ضبط 161 قضية، وفى مجال جرائم المطبوعات تم خلالها ضبط وإتخاذ الإجراءات القانونية قبل عدد من المطابع والمكتبات بدون ترخيص والقائمين عليها.