جوزي واقف محلك سر..حبيبة بدعوى خلع:أنا مهندسة ومخلى شكلي وحش قدام الناس

«مش عاوز يتقدم ودايما فاكر إن ده أحسن حاجة وللأسف مبقاش يناسبنى وأنا بتقدم وهو واقف محلك سر».. تلك  الكلمات قالتها الزوجة حبيبة وهى تصف حالة زوجها وتشتكى لـ تحيا مصر عن مأساتها خلال انتظارها دعواها بمحكمة الأسرة.

جوزي مش بيصرف على الكلب بتاعي .. زوجة في دعوى خلع: مقدرش أتخلى عن بودي

الناس بتعاكسني ولا بيتحرك .. فريال في دعوى خلع: جوزي جبان وضعيف

تقول حبيبة صاحبة الـ 24 عاماً:" أنا خريجة كلية هندسة، أنا اتزوجت من سنة، بعد ما اتخرجت علطول وجوزى يعمل بائع في محل وهو حاصل على بكالوريوس ولكن لم يجد عمل فاشتغل بمحل ملابس بائع وتقدم لى لأنه جارى وقد وافقت عليه لإخلاقه ودينه الحسنة".

العمل في الشركة

وتستكمل حبيبة قصتها:" أنا بعد اتجوزت فضلت فترة مقيمة في البيت وبعد كده نزلت أدور على الشغل وهو مرفضش إنى اشتغل لإننا اتفقنا على كده قبل الزواج، وجدت شغل في شركة مهندسة وذات راتب عالى، فجوزى فرح، بإنى اشتغلت وبدأت في تحقيق هدفي، وبعد فترة بدأت الشركة تنظم احتفالات لأعضائها وأنا حضرت تلك الاحتفالات لوحدى، فهو رفض أن يأتى بسبب عمله طول اليوم، فلم أمانع من عدم وجوده، ولكن الناس في تلك الاحتفال أظهروا لى الفروق الإجتماعية بينهم وبين جوزي".

حفلات الشركة

وتسترسل حبيبة: "أنا بدأت اتكسف وهما بيسائلونى جوزك بيشتغل في ايه، وروحت قولتله إنه لازم يغير وظيفته ويدور على شغل بمؤهله، وجوزى للأسف رفض، وقالى وهنصرف إزاى عقبال ما أجمع شغل تاني، فرديت عليه وقولتله أنا هأصرف عقبال ما تلاقي مكان وشغل محترم فاتضايق من كلامي ورفض إن أصرف عليه وبعد كده بدأت المشاكل بينا بسبب المستوى الاجتماعى اللى رافض يغيره أو يتنازل شوية ويشتغل بمؤهله".

الفروق الإجتماعية

وتصف حبيبة حالها: "أنا مش أنانية خاص، أنا بس حاسه بفروق اجتماعية كبيرة بينا وهترشح قريب لمكان مهم في الشركة ولازم يكون وجهتى الاجتماعية مشرفة وذلك ليس خطأ، وهو مش عاوز يعلى من مكانته وهيفضل طول عمره بيشتغل بائع في محل ملابس ومش هيتقدم خطوة للأمام مطلقا ، وهو فاكر إن الفرصة هتجيله لوحدها بدون ما يتعب فيها ويدور على مكان أفضل للعمل".

رفع دعوى خلع

وتختتم حبيبة:" أنا رفعت دعوى خلع عليه بعد ما طلبت الطلاق وهو رفض حتى يتفاهم معايا وقالى مش هطلقك وهاسيبك كده، متقدريش تتجوزى غيري، فرفعت دعوى خلع وتنازلت عن كل حقوقى الشرعية ونفقتي المادية لكى اتخلص منه ومن يأسه".